Իտալական ավտոարտադրող Ferrari-ն պլանավորում է հետ կանչել ավելի քան 2.7 հազար սպորտքարեր դռների հետ կապված խնդիրների, ինչպես նաեւ հրդեհի վտանգի պատճառով, հաղորդում է «Իզվեստիյա»-ն՝ հղում կատարելով CarComplaints պարբերականին:
Առաջին խնդիրը վերաբերում է 2017–2019 թթ. արտադրության Ferrari GTC4Lusso/GTC4Lusso T մոդելներին: Այս ավտոմեքենաներում հայտնաբերվել են դռների մեխանիզմի հետ կապված թերություններ: Ընդհանուր առմամբ հետ կկանչվի 582 մեքենա:
Երկրորդ խնդիրը առնչվում է Ferrari aFerrari Aperta, 488 GTB, GTC4Lusso T, GTC4Lusso, 488 Spider, 812 Superfast եւ 488 Pista մոդելների թվով 2150 ավտոմեքենաներին: Դրանց մոտ հայտնաբերվել է թերություն վառելիքի գոլորշու սեպարատորների շրջանում, որը կարող է հրդեհի պատճառ դառնալ:
Ավտոմեքենաները հետ կկանչվեն ապրիլի 14-ից սկսած:
