Արգենտինայի մայրաքաղաք Բուենոս Այրեսի քաղաքային խորհուրդը հավանություն է տվել Հայոց ցեղասպանությանը նվիրված թանգարանի կառուցմանը, գրում է asbarez.com-ը՝ վկայակոչելով Estacao Armenia- ն:
Թանգարանը կկառուցվի Հայոց ցեղասպանության հիշատակի հիմնադրամի կողմից՝ մայրաքաղաքի Պալերմո արվարձանում հայկական համայնքի կենտրոնին մոտ Գուրրուչագա փողոցում։
Թանգարանի շրջանակում կստեղծվի նաեւ Արգենտինայում հայկական հետքի արխիվ, ինչպես նաեւ ցեղասպանության գրադարան եւ արխիվ։
Արգենտինան Հայոց ցեղասպանությունը ճանաչած առաջին երկրների շարքում է։ 1987թ․-ին երկրի նախագահ Ռաուլ Ալֆոնսինը Օսմանյան Թուրքիայի կողմից 1915-1923թթ․ իրականացված 1,5 մլն հայերի կոտորածը ցեղասպանություն է որակել։
2007թ․-ին Արգենտինայում ապրիլի 24-ը, ի հիշատակ Հայոց ցեղասպանության, մարդկանց միջեւ հանդուրժողականության եւ հարգանքի օր է հռչակվել։