News
Լրահոս
News
Հինգշաբթի
Ապրիլ 18
Տեսնել լրահոսը

Փոլ Մաքքարթնիի դպրոցական տետրը, որի լուսանցքներում ուսուցչի կարմիր մատիտով քննադատական նշումներ են եւ կազմի դարձերեսին ծխողի պատկերով նկար, Անգլիայում 10 000 ֆունտ սթեռլինգով (ավելի քան 13 000 դոլար) աճուրդի է հանվել։ Այս մասին հայտնել է Omega Auctions աճուրդի տան ներկայացուցիչը՝ հայտնում է ՏԱՍՍ-ը։

The Beatles-ի անդամի 22 էջանոց տետրում Մաքքարթնիի 5 էսսեներն են, որոնց թվում են անգլիացի գրող Թոմաս Հարդիի (1840-1928) «Վերադարձ հայրենիք» եւ անգլիացի բանաստեղծ, քաղաքական գործիչ Ջոն Միլթոնի «Կորսված դրախտ» ստեղծագործությունների վերաբերյալ էսսեները։

Գրականության ուսուցիչ Ալան Դուրբանի նշումներն ուղեկցում են բոլոր հինգ շարադրությունները։ «Սկզբում պետք է պատասխանել հարցին, նախքան այն վիճարկելը»,- ասվում է նշումներից մեկում։

Տետրը վաճառքի է հանել լիվերպուլյան մի ընտանիք, որը ցանկացել է իր անունը գաղտնի պահել։ Նրանք ասել են, թե տետրը գտնվում է իրենց տանը այնքան, «որքան իրենք իրենց հիշում են»՝ գրում է Daily Mail-ը։

Աճուրդի լոտերի թվում են մեկ այլ «բիթլի»՝ Ջորջ Հարիսոնի կոմպոզիցիաների սկավառակը, որի նախնական արժեքը 3000 ֆունտ է, Ջոն Լենոնի ակնոցի ոսկե շրջանակը, ինչպես նաեւ The Beatles-ի պաստառը, որը անցյալ տարի ձեռք է բերվել 7 դոլարով։ Ակնկալվում է, որ այն կվաճառվի 12 000 ֆունտով։ Աճուրդը կկայանա մարտի 26-ին՝ Անգլիայի արեւմտյան Նյուտոն Լե Ուիլոու քաղաքում։

 

!
Այս նյութը հասանելի է նաև   English and Русский
Տպել