Գերմանիայի ոստիկանությունը կալանավորել է 10 մարդու իսլամական ահաբեկչական հարձակում ծրագրելու կասկածանքով, փոխանցում է BBC News-ը:
Կալանավորումը կատարվել է շուրջկալի ժամանակ, որը 200 ոստիկաններ իրականացրել են Հեսեն եւ Ռեյնլանդ-Պֆալց հողերում:
Հաղորդվում է, որ տղամարդիկ ծրագրել էին հնարավորինս շատ «անհավատների» սպանել՝ օգտագործելով ավտոմեքենա եւ հրազեն:
Հիմնական կասկածյալներն են Օֆենբախ քաղաքից 21-ամյա տղամարդը եւ Վիսբադենից 31-ամյա եղբայրները:
Գլխավոր դատախազությունից հեռուստաալիքին հայտնել են, որ կասկածյալներն արդեն կապ էին հաստատել զենքի վաճառքով զբաղվող միջնորդի հետ, վարձույթով մեքենա էին վերցրել եւ միջոցներ էին հավաքում զենք ձեռք բերելու համար: