News
Լրահոս
News
Ուրբաթ
Ապրիլ 19
Տեսնել լրահոսը

Ֆինանսների նախարարությունից կպահանջենք հիմնավորել գրավատների եւ փոխանակման կետերի համար ակցիզային հարկի 60 անգամ բարձրացումը: Մարտի 25-ին լրագրողների հետ հանդիպմանն այս մասին ասաց «Իմ քայլը» իշխող դաշինքից պատգամավոր Գեւորգ Պապոյանը:

Նրա խոսքով՝  տնտեսությունում կա ճկունություն հասկացություն եւ տնտեսվարող սուբյեկտները պետք է հնարավորություն ունենան բիզնես ծրագրի կազմման ժամանակ հաշվարկել իրենքց ռիսկերը, ինչը հնարավոր չէ անել հարկերի կտրուկ բարձրացման դեպքում:

«Հարկային օրենսգրքի առաջարկված փոփոխությունները ուղղված են արտադրության այն ոլորտների զարգացման խթանմանը, որոնք մրցակցային են ներկրման տեսանկյունից:

Այս ոլորտների համար հարկերը կամ նվազում են կամ չեն բարձրանում: Դրան զուգահեռ որոշ անուղղակի հարկեր կբարձրանան, քանի որ դրան այլընտրանք չկա: Դա կապված է նրա հետ, որ մենք ձգտում ենք երկարաժամկետ հեռանկարում արդյունք ստանալ: Կարճաժամկետ հեռանկարում 200 հազար աշխատակիցների աշխատավարձերը կբարձրանան հարկային բեռի նվազեցման հաշվին: Սակայն սա բյուջեի համար ավելի քան 30 մլրդ դրամի լրացուցիչ բեռ կդառնա: Արդյունքն էլ երկարաժամկետ հեռանկարում կունենանք», - նշեց նա:

Նա պարզաբանեց, որ դա պետք է փոխհատուցվի որոշակի ուղղություններով:

Նման ուղղություններ կդառնան այլ ոլորտները, որտեղ լրացուցիչ արժեք չի ստեղծվում:

«Գրավատները եւ փոխանակման կետերը հենց դրանց շարքին են դասվում, քանի որ դրանք միայն բաշխում են ֆինանսները», - նկատեց պատգամավորը:

Հարցին՝ ինչպես են իշխանությունները պատրաստվում խթանել ներմուծումը, եթե մասնավորապես գյուղատնտեսությունում զարգացման տեմպերի անկում է գրանցվել, պատգամավորն ասաց, որ վիճակագրության մեթոդաբանությունը վերանայման կարիք ունի:

«Բացի այդ, տնտեսության շատ ճյուղերում աճ է գրանցվել: Սա մասնավորպես վերաբերում է տեքստիլ արդյունաբերությանը, ինչպես նաեւ շինարարարության ոլորտին», - եզրափակեց Պապոյանը:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Հայկական ցեմենտը ապրիորի ավելի թանկ արժե իրանականից. «Իմ քայլը»
Իրանական ցեմենտի տուրքի սահմանման օրինագիծը միանշանակ աջակցության չի արժանացել...
Ասում են՝ գյուղատնտեսությունից խի՞ չեք խոսում. տո լավ էլ խոսում եմ, հլա ասեք տեսնեմ ի՞նչ եք արել. Ծառուկյան
Հիմա եթե մարդը վճարում է, եկավ բերքի սեզոնը, որ պետք է հավաքի, ջուր չեն տալիս, բերքը չորացավ, դեռ պետք է տույժ տուգանք էլ վճարի…
Փաշինյանը մերժեց Ծառուկյանին. Մաքսատուրքը բարձրացավ միայն ներմուծվող ցեմենտի համար
Նրանք, մասնավորապես, պահանջում էին մաքսատուրքեր սահմանել նաեւ ցեմենտային կլինկերի համար…
Փոխանակ այսօրվա հարցը քննարկեն, ասում է՝ ցեմենտի գործարանը քանիսով է ձեռք բերվել. Ծառուկյան
Ձեր ցավը տանեմ, եթե 200 հազար դոլարով ձեռք է բերել, ես նվեր տամ տվյալ հայտարարողին…
«Արարատցեմենտի» կողմից ցեմենտի գների նվազեցումը բարի կամքի ժեստ է. «Բարգավաճ Հայաստան»
Մենք հրաշալի հասկանում ենք, որ ցեմենտը, ըստ էության, շինարարություն է, իսկ շինարարությունը մուլտիպլիկատիվ էֆեկտ ունի…
«Իմ քայլի» պատգամավորը քննադատել է սեփական կառավարության օրինագիծը
Իրանից էժան ցեմենտի եւ կլինկերի ներկրումը բխում է մեր համաքաղաքացիների մեծամասնության շահերից…