Սատկած առնետները դարձել են բրիտանական բանտ բջջային հեռախոսներ եւ թմրանյութեր հասցնելու միջոցներից մեկը։ Ինչպես հայտնում է AP-ը, առնետների դիակները լցրել են թմրանյութերով կամ բջջային հեռախոսներով եւ նետել են Դորսետի բանտի ցանկապատից ներս։
Բանտի պահակները հայտնաբերել են սատկած առնետներին եւ ուշադրություն դարձրել նրանց փորի կարերին։ Երեք առնետի մարմնում թաքցրել էին հինգ հեռախոս, լիցքվորման սարքեր, երեք SIM-քարտ, ծխախոտի թուղթ, մարիխուանա եւ Spice թմրանյութ։