Լոնդոն-Դյուսելդորֆ չվերթ կատարող բրիտանական British Airways ավիաընկերության ինքնաթիռը սխալմամբ վայրէջք է կատարել շոտլանդական Էդինբուրգ քաղաքում՝ հայտնում է Edinburgh News-ը։
Սխալը տեղի է ունեցել այն բանի հետեւանքով, որ օդաչուներին թռիչքի ոչ ճիշտ պլան են տվել։
British Airways-ի եւ գերմանական WDL Aviation-ի ներկայացուցիչները ներողություն են խնդրել տեղի ունեցածի համար եւ խոստացել են պարզել, թե ինչպես կարող էր նման բան տեղի ունենալ։ Ինքնաթիռը վառելիքով լիցքվորվել եւ ուղեւորվել է Դյուսելդորֆ, որտեղ բարեհաջող վայրէջք է կատարել։