Չինական Huawei ընկերության դեմ ամերիկյան քարոզչությունը քիչ է ազդել վաճառքի ծավալների վրա։ Այս մասին հայտարարել է ընկերության նախագահ Էրիկ Սյույը՝ հավելելով, թե քիչ հավանական է, որ շատ երկրներ կհետեւեն ԱՄՆ-ի կոչերին եւ կարգելեն 5G ցանցերի ստեղծման համար Huawei-ի սարքավորումների օգտագործումը՝ հայտնում է Reuters-ը։
«Վերջին ժամանակներս մենք տեսնում ենք, թե ինչպես են մեծ թվով երկրներ ինքնուրույն որոշումներ ընդունում»,- ասել է Սյույը։
Թեեւ Ավստրալիան անվտանգության նկատառումներով արգելել է օգտագործել Huawei-ի տեխնոլոգիան, ԵՄ այնպիսի երկրներ, ինչպիսիք են Գերմանիան եւ Ֆրանսիան, հայտարարել են, որ կանտեսեն ԱՄՆ-ի կոչերը։
Սյույը հաստատել է, որ Huawei-ի եկամուտը 2019թ․ առաջին երկու ամիսներին մեծացել է 36 տոկոսով, եւ ընկերությունն ակնկալում է տարեկան 15 տոկոս աճ՝ մինչեւ 125 միլիարդ դոլար։
