ԱՄՆ-ում 14-ամյա աղջկան բռնաբարողն ու սպանողը դատապարտվել է ցմահ ազատազրկման։ Ինչպես հայտմում է AP-ն, 46-ամյա Ջեյկոբ Սալիվանը իրեն մեղավոր է ճանաչել 2016թ․ Գրեյս Պեկերի առաջին կարգի սպանության համար։
Նա դատապարտվել է ցմահ ազատազրկման այն բանի համար, որ սպանել եւ անդամահատել է իր ընկերուհու 14-ամյա որդեգրուհու մարմինը՝ իրականացնելով բռնաբարության եւ սպանության մասին իր հիվանդ երեւակայությունները, որոնց մասին պատմել է աղջկա մորը։
Փենսիլվանիայում մահապատիժն արգելված է, սակայն ատենակալները դեռեւս կարող են նման դատավճիռ կայացնել։
Փաստաբանները Սալիվանի համար ցմահ ազատազրկում են խնդրել՝ պնդելով, որ Գրեյսի մայրը՝ Սառա Պեկերը, ղեկավարել է սարսափելի դավադրությունը եւ վերահսկել է Սալիվանին։ Սառա Պեկերն իր ցուցմունքներում ասել է, թե ուզում էր, որ իր դուստրը մահանա։ Հաջորդ շաբաթ նա կխոստովանի իր մեղքը՝ ցմահ ազատազրկման դիմաց։
Սալիվանն ու Պեկերը Գրեյսին տարել են անբնակ տուն, դեղեր են տվել, կապել ձեռքերը եւ ոտքերը, բերանը խցանով փակել։ Սալիվանը բռնաբարել է նրան, իսկ Սառան հետեւել է դրան։ Նրանք աղջկան թողել են տանը, որպեսզի նա մեռնի դեղերի մեծ չափաբաժնից։ Սակայն Գրեյսն ապրել է։ Հանցագործները 12 ժամից վերադարձել են այդ տուն, եւ Սալիվանը խեղդել է աղջկան։
Նրանք ամիսներով Գրեյսի մարմինը պահել են կատուների կեղտի մեջ, այնուհետեւ անդամահատել են այն եւ նետել ծայրամասում, որտեղ 2016թ․ հոկտեմբերին նրան գտել են որսորդները։
