Հարլեմում (Մանհեթեն) շուրջկալի արդյունքում հայտնաբերվել է ավելի քան 35 կգ հերոին եւ ֆենտանիլ ու 200 հազար դոլար: USA.one-ը հայտնում է, որ գտնված թմրանյութերի փաթեթների վրա փակցված էին հայտնի թմրաբարոն Պաբլո Էսկոբարի լուսանկարները:
«Առգրավված ֆենտանիլի եւ հերոինի քանակությունը ահաբեկող հիշեցում եղավ վիթխարի սպառնալիքի մասին, որ ներկայացնում են մահացու ափիոնայինները»,- հայտնել է թմրանյութերի հետ կապված գործերով հատուկ դատախազ Բրիջիթ Բրենանը: Ոստիկանները 2 մարդու են կալանավորել:
Թմրանյութի փաթեթներից յուրաքանչյուրում մոտ 1 կգ էր տեղավորած, որոնք զարդարված էին տխրահռչակ թմրաբարոն Պաբլո Էսկոբարի լուսանկարներով: Որոշ փաթեթների վրա կային «Պաբլո» եւ «Էսկոբար» գրառումներ:
Դատախազների խոսքով՝ թմրանյութի նման խմբաքանակի փողոցային արժեքը կկազմեր 10,5-ից մինչեւ 20 մլն դոլար:
