Հայ փախստականների արցախյան միության նախագահ Սարասար Սարյանը վերջերս ԵԱՀԿ գործող նախագահին հրավիրել է այցելել Արցախ եւ տեղում ծանոթանալ Արցախում ապրող հայ փախստականների կացությանը։ Այդ մասին «Ազատ Արցախ» թերթին տված հայցազրույցում հայտարարել է Արցախի Հանրապետության արտաքին գործերի նախարար Մասիս Մաիլյանը:
Նրա խոսքերով՝ Սարասար Սարյանը պատմել է ԵԱՀԿ Գործող նախագահ Միրոսլավ Լայչակին Արցախում հայ փախստականների դրության մասին:
«Արցախի Հանրապետությունում շուրջ 30 հազար հայ փախստական է ապրում, ովքեր զրկված են միջազգային աջակցությունից եւ օգնությունից, այդ թվում՝ ադրբեջանական իշխանությունների դիրքորոշման պատճառով, որոնք խոչընդոտում են միջազգային մասնագիտացված կազմակերպությունների կողմից Արցախ այցելելուն»,-նշել է նախարարը: