ԱՄՆ Կոնգրեսի Ներկայացուցիչների պալատի անդամներ Ադամ Շիֆը եւ Գաս Բիլիրակիսը Հայոց ցեղասպանության ճանաչման նոր բանաձեւ են ներկայացրել:
Բանաձեւին աջակցել են ԱՄՆ ավելի քան 70 կոնգրեսականներ, փոխանցում է Ամերիկայի Հայ դատի հանձնախումբը:
Կոնգրեսականներն առաջարկել են Վաշինգտոնի քաղաքականության մեջ մի շարք նոր դրույթներ մտցնել, ներառյալ Հայց ցեղասպանության ճանաչման նպատակով որոշակի քայլերի իրականացմանն ուղղված միջոցառումներ:
Բանաձեւի հեղինակները ԱՄՆ իշխանություններին կոչ են անում պաշտոնապես ճանաչել Հայոց ցեղասպանությունը, կանխել հանցագործության ժխտման փորձերը եւ գիտակցել Հայց ցեղասպանության պատմության թեման ուսուցանելու անհրաժեշտությունը՝ այն նպատակով, որպեսզի ապագայում համանման երեւույթները կանխվեն:
