Եվրամիությունից Մեծ Բրիտանիայի դուրս գալու խնդիրը չպետք է խոչընդոտի եվրոպական մյուս թեմաներով աշխատանքին՝ կարծում է Եվրահանձնաժողովի նախագահ Ժան Կլոդ Յունկերը։ Brexit-ը ԵՄ-ի ապագան չէ՝ Եվրախորհրդարանի նիստում հայտարարել է նա ՝ հայտնում է DW-ը։
Նրա խոսքերով, ԵՄ-ի առջեւ կանգնած են մի շարք ռազմավարական խնդիրներ, եւ եվրոպացիները չպետք է հրաժարվեն բարեփոխումների անցկացումից։ Մասնավորապես, մոտակա խնդիրը առաջիկա տարիներին բարեփոխումների անցկացումն է, որը ներառված է ռումինական Սիբիուում կայանալիք մայիսյան գագաթաժողովի օրակարգում։
Միաժամանակ, նրա խոսքերով, անհրաժեշտ է հոգ տանել այն մասին, որ ԵՄ-ի աշխատանքը կանգ չառնի՝ չնայած Brexit-ի շուրջ ձգձգվող հանմաձայնության կայացման գործընթացին։ Երբ պետություններից մեկը լքում է կազմակերպությունը, մյուսները պետք է ընթացիկ հարցերն առանց նրա լուծելու հնարավորություն ունենան՝ ընդգծել է Յունկերը։
