Aston Martin ընկերությունը ամբողջությամբ բացահայտել է իր առաջին էլեկտրական մոդելը՝ Rapide E լիֆթբեքը: Նորույթն ունի երկշարժիչանի ուժային սարք, արագ լիցքավորման 800-վոլտանոց համակարգ եւ սահմանափակ քանակություն՝ 155 նմուշ, փոխանցում է Motor-ը:
Aston Martin-ը Rapide E-ի մշակումը կատարել է Williams Advanced Engineering-ի (WAE) հետ համագործակցությամբ: WAE-ը եւ բրիտանական Unipart Manufacturing Group-ն այս նախագծի շրջանակում հիմնել են Hyperbat Limited համատեղ ձեռնարկությունը, որը մասնագիտացած է քարշային մարտկոցների ուղղությամբ, եւ Aston Martin-ը դարձել է նոր ընկերության առաջին հաճախորդը: Անհատական պատվերով կառուցված մարտկոցը բլոկների է բաժանված, որոնք տեղադրված են V12 շարժիչի, փոխանցման տուփի եւ վառելիքի բաքի տեղում: Տարողությունը 65 կՎտ/ժամ է:
Մարտկոցը սնուցում է 2 էլեկտրաշարժիչները: Սարքի ընդհանուր հզորությունը 610 ձիաուժ է, պտտման պահը՝ 950 Նմ: Էլեկտրաքարը մինչեւ «հարյուրյակը» զարգացնում է մոտ 4 վայրկյանում, իսկ առավելագույն արագությունը կազմում է 250 կմ/ժամ: Հայտարարված հզորությունը հասանելի է մարտկոցի լիցքի մակարդակի բոլոր դիապազոններում: Մեկ լիցքավորմամբ անձնագրային վազքը WLTP ցիկլում 322 կմ է:
