News
Լրահոս
News
Երկուշաբթի
Սեպտեմբեր 16
USD
476.16
EUR
526.54
RUB
7.43
ME-USD
0.1
Տեսնել լրահոսը

Այս օրինագծի ընդունման անհրաժեշտությունն առաջ է եկել վերջին ժամանակներս կազմակերպությունների եւ մասնավոր անձանց գործունեության ակտիվացման հետ կապված, որոնք քաղաքացիներին առաջարկում են միջնորդների ծառայություններ վարկեր ստանալու համար։ Այս մասին Ազգային ժողովի նիստում, ապրիլի 18-ին, «Վարչական իրավախախտումների մասին» օրենքում փոփոխություններ եւ լրացումներ մտցնելու մասին օրինագծի քննարկման ժամանակ, ասաց «Լուսավոր Հայաստան» խմբակցության պատգամավոր, օրինագծի հեղինակ Մանե Թանդիլյանը։

Նրա խոսքով՝ այդ ծառայություններն ակտիվ գովազդվում են ինչպես սոցցանցերում, այնպես էլ փողոցում։ «Մենք նաեւ պարզել ենք, որ այդ անձինք չունեն ոչ մի ընդհանուր բան բանկերի եւ վարկային կազմակերպությունների հետ, բայց միայն որոշ ֆինանսական ու իրավաբանական գիտելիքներ ունենալով՝ մարդկանց առաջարկում են ստանալ բանկային ծառայություններ, որոնք քաղաքացիները կարող են ստանալ ինքնուրույն, առանց որեւէ միջնորդության։ Այդ ծառայությունների համար քաղաքացիներից պահանջում են ու ստանում միջնորդավճարներ, որոնք հաճախ կազմում են վարկի ընդհանուր չափի 25, 30 եւ անգամ 40 տոկոսը։ Արդյունքում՝ այդ առանց այդ էլ ոչ էժան վարկերը քաղաքացիների վրա էապես թանկ են նստում։ Քաղաքացիներն օգտվում են այդ անձանց ծառայություններից՝ կարծելով, որ նրանք ինչ-որ կերպ ազդել են վարկ ստանալու գործընթացի վրա»,- պարզաբանել է Թանդիլյանը։

Նա նաեւ նշել է, որ այդ հարցը ներկայում չի կարգավորվում ոչ մի օրենքով, եւ այն անձանց հանդեպ, ովքեր քաղաքացիներին մոլորության մեջ են գցում, ոչ մի պատժամիջոց չի կիրառվում։ Պատգամավորը նշել է, որ օրինագծով առաջարկվում է տուգանել նվազագույն աշխատավարձի 2000-ապատիկի չափով այն ընկերություններին եւ իրավաբանական անձանց, որոնք գովազդում են իրենց մատուցած ծառայությունները՝ չունենալով համապատասխան լիցենզիա։ «Ընդ որում, եթե չորս տարվա ընթացքում նրանք երկու անգամ են խախտում այս նորմը, ապա երկրորդ անգամ տուգանքն ավելանում է նվազագույն աշխատավարձի 4000-ապատիկի չափով»,- ընդգծել է պատգամավորը։

!
Այս նյութը հասանելի է նաև   Русский
Տպել
Կարդացեք նաև
Ամբողջը
Մեկը հայտարարում է, թե ուզում է 8 մլրդ դոլարի ներդրում անի, հետո պարզվում է 4 անգամ դատված է.Փաշինյանը՝ «Նաիրիտի» մասին
Տրամաբանական կլիներ, որ ձեր խոսքի վերջում ասեիք՝ արդյոք սա չի նշանակում, որ «Նաիրիտը» թալանածների հետ ձեռք եք բերել քաղաքական պայմանավորվածություն...
Խնդիր ենք դրել, որ պետք է նվազագույնը 8-9 տոկոսանոց աճ ապահովենք առաջիկա տարիներին. վարչապետ
Ամուլսարը չշահագործվելու դեպքում դրամի վրա որեւէ ռիսկ չկա. Հայաստանը ռեպուտացիոն ռիսկերի առաջ կկանգնի, որը շղթայական խնդիրներ կարող է առաջացնել...
Զանգեզուրի հանքավայրի սեփականատերերին ասել եմ, որ հանքն այս ձեւով չի կարող շահագործվել. Փաշինյան
Ինչ-որ մի ժամանակացույց պետք է ունենանք, կլինի 3 տարի, թե 5 տարի, որից հետո հանքը պետք է աշխատի այն նույն ստանդարտներով, որով կաշխատեր Գերմանիայում...
Եթե մենք հանքերի հարցին լուրջ չվերաբերվենք, Հայաստանը դառնալու է սեւ խորշ աշխարհի տնտեսական քարտեզի վրա. Փաշինյան
Սեւանա լճին հարակից բնակավայրերի կոյուղաջրերն ավելի շատ վնաս են հասցնում լճին, քան Զոդի հանքավայրը...
Դոլարի փոխարժեքը կայուն է. եվրոն էժանացել է ավելի քան 2 դրամով
Թանկարժեք մետաղների համար բանկի կողմից սահմանվել են հետեւյալ գները...
Հանքարդյունաբերությունը դեմոնիզացիայի ենթարկելը նշանակում է հարված հասցնել մեր երկրի անվտանգությանը. Փաշինյան
Ես անձամբ հանքարդյունաբերություն երեւույթով հիացած չեմ, եւ այնքան էլ լավ չեմ դրան վերաբերվում...