Շրի Լանկայի ոստիկանությունը պայթուցիկ սարքերի մոտ 90 դետոնատորներ է հայտնաբերել կղզու խոշորագույն Կոլոմբո քաղաքի շրջաններից մեկում, հաղորդում է Adaderana պորտալը:
Ըստ հրապարակման՝ 87 դետոնատորները հայտնաբերվել են Պետրա շրջանում՝ մասնավոր ավոտբուսային կանգառում:
Ավելի վաղ տեղեկություն էր ստացվել, որ Շրի Լանկայի ՌՕՈՒ զինծառայողները կղզու խոշորագույն Բանդարանաիկե միջազգային օդանավակայանի անմիջական հարեւանությամբ հայտնաբերել եւ վնասազերծել են ինքնաշեն պայթուցիկ սարք, հաղորդում է ՏԱՍՍ-ը:
Ապրիլի 21-ին Շրի Լանկայում տեղի է ունեցել երկրի պատմության մեջ ամենախոշոր ահաբեկչությունների շարքը, որի հետեւանքով, վերջին տեղեկություններով, զոհվել է 290 մարդ, նրանց թվում ավելի քան 30-ը արտասահմանցիներ են: Կոլոմբո, Նեգոմբո եւ Բատիկալոա քաղաքներում ընդհանուր 8 պայթյուն է տեղի ունեցել, այդ թվում՝ կաթոլիկ եկեղեցիներում զատկի պատարագի ժամանակ եւ հյուրանոցներում:
