News
Լրահոս
News
Հինգշաբթի
Մայիս 23
Տեսնել լրահոսը

Ես՝ որպես ՀՀ քաղաքացի, շարունակելով ապրիլի 23-ին քաղաքացիների կողմից  դրոշ այրելու քայլը, որոշել եմ հրապարակային այրել Թուրքիայի Հանրապետության դրոշը: Այս մասին այսօր՝ ապրիլի 25-ին, Ազատության հրապարակում հայտարարեց լրագրող, ՀՅԴ-ական Գեղամ Մանուկյանը՝ արձագանքելով սոցցանցերում այն մտահոգություններին, թե Թուրքիայի դրոշը այրելը քրեական հանցանք պարունակող քայլ է։

«Երկու օր առաջ այս հրապարակում անցնող 20 տարիների նման տեղի ունեցավ ջահերով երթ՝ ՀՅԴ ուսանողական եւ երիտասարդական միության նախաձեռնությամբ, հարյուրավոր, հազարավոր երիտասարդներ որպես Թուրքիայի ժխտողականության խորհրդանիշ այրեցին Թուրքիայի հանրապետության դրոշը, որից հետո արշավ սկսվեց սոցցանցերում։ Բանը հասավ նրան, որ առանձին քաղաքացիներ եւ պետական համակարգի առնվազն մեկ պաշտոնյա հայտարարեց, որ Թուրքիայի դրոշը այրելը քրեական հանցանք պարունակող քայլ է եւ ոստիկանության կողմից պետք է դիտվի հանցագործություն։ Ես ասում եմ, որ այդպիսի կեղծ ահազանգով ընդհանրական մեղադրանքներ հնչեցնել անհասականալի է։ Ոստիկանությունը եթե որոշեր ահազանգի հետեւից գնալ, կոնկրետ հասցեատեր չէին գտնել»,–նշեց նա։

ՀՅԴ–ականի համոզմամբ՝ մարդիկ պետք է հասկանան՝ ինչի դեմ է այս բողոքը, ոչ թե կեղծ եղբայրասիրական, խաղաղասիրական քայլեր անել. «Ես եղել եմ առաջին ջահերով երթի մասնակիցների շարքում, եւ կարող եմ ասել, որ անցնող 20 տարում տեսել եմ, թե ինչպես են դեպքերը զարգանում, այդ հսկայական զանգվածը մեծանում: 2010-2011-ին այստեղ հենց նույն պահին ջահերով երթի ժամանակ պետք է հանդիպեի թուրք լրագրողների, նրանք այն  պահին եկան, երբ դրոշն այրվում էր, բնականաբար, որպես Թուրքիայի քաղաքացի այլայլվեցին, իսկ ես բացատրում էի, որ սա թուրք ժողովրդի դեմ չէ, սա ժխտողական քաղաքականություն ունեցող Թուրքիայի կառավարության դեմ է՝ տասնամյակներ շարունակ ցեղասպանություն իրականացրած Օսմանյան իշխանության շարունակություն հանդիսացող կառավարության դեմ: Եվ երբ ապրիլի 23-ից հետո «վայ էս ինչ է...» ոչ քաղաքակիրթ գրառումներ անող մարդիկ երեկ կարդային Թուրքիայի այսօրվա նախագահի ուղերձը, որ քիչ են արել հայերի գլխին, իրենք պետք է հասկանային, թե ինչի դեմ է այս բողոքը, ոչ թե կեղծ եղբայրասիրական, խաղաղասիրական քայլեր անել»,- նշեց նա։

Գեղամ Մանուկյանն ընդգծեց, որ ջահերով երթին մասնակցած  18-ը չբոլորած շատ երիտասարդներ 2016-ի ապրիլին դաշնակցական կամավորական ջոկատների կազմում Թալիշում էին, ոչ թե ֆեյսբուքում Հայոց բանակի դեմ գրառումներ էին անում։

Տպել
Կարդացեք նաև
Ամբողջը
Հայոց ցեղասպանության մասին Էրդողանի ատելության ելույթը քննարկվել է Նիդերլանդների խորհրդարանում
Քննարկումների ժամանակ նախարարը ստիպված եղավ մի քանի անգամ հաշիվ տալ ոչ միայն Թուրքիայի հետ հարաբեությունները վերականգնելու, այլեւ ընդլայնելու միջոցների մասին...
ՀՀ ԱԳՆ-ն հույս ունի, որ Բելգիան կճշտի դիրքորոշումը Հայոց ցեղասպանության ժխտման քրեականացման հարցում
ՀՀ ԱԳՆ-ն հույս ունի, որ Բելգիայի խորհրդարանը կճշտի իր վերաբերմունքը...
Թուրքիայի հայերը, ասորիները եւ հույները ենթարկվել են ցեղասպանության աստիճանական արշավանքի
Թուրքերը, որոնց օգնում էին նույնպիսի մուսուլմաններ, ինչպես քրդերը, չերքեզները, չեչենները եւ արաբները, կոտորածի ժամանակ սպանել են…
Մեքսիկայի Միչոական նահանգի Կոնգրեսը Հայոց ցեղասպանությունը ճանաչող հայտարարություն է ընդունել (ֆոտո)
Նշենք, որ սա առաջին դեպքն է, երբ Մեքսիկայում օրենսդիր մարմնի կողմից ընդունվում է Հայոց ցեղասպանությունը ճանաչող և դատապարտող հայտարարություն...
Ֆրանսիան շարունակելու է Հայաստանի կողքին պայքար մղել հանուն արդարության. Մակրոնի նամակը՝ Արմեն Սարգսյանին
Համատեղ ճակատագիր կերտելու հնարավորություն ունենալու համար պետք է կարողանալ շիտակ նայել անցյալին...
ANCA-ի ղեկավարները ԱՄՆ Կոնգրեսի ներկայացուցիչների հետ քննարկել են Արցախին օգնության մեծացման հարցը
ANCA-ն ԱՄՆ կոնգրեսականներին կոչ է արել ընդլայնել ԱՄՆ-ի եւ Հայաստանի միջեւ ռազմավարական գործընկերությունը…