Հայաստանը տեսականորեն արտոնություններ ունի ԵՄ ապրանքներ արտահանելու համար: Այս մասին Երեւանում նախատեսված ԵՏՄ միջկառավարական խորհրդի նիստի նախաշեմին տեղի ունեցած տեսակամուրջի ժամանակ հայտարարել է ՌԴ տնտեսական զարգացման փոխնախարար Թիմուր Մաքսիմովը:
Ի պատասխան հարցին՝ արդյոք կարո՞ղ են Հայաստանին ԵՄ տրամադրած մաքսային արտոնությունները գրավել ԵՏՄ ձեռնարկություններին, փոխնախարարը նշել է, որ Հայաստանին տրամադրված արտոնությունները տեսականորեն ենթադրում են մեծ մրցակցային առավելություն: «Բայց ԵՄ-ի հետ մեր հարաբերությունները, ցավոք, ոչ միշտ են թելադրվում տնտեսական տրամաբանությամբ: Նույնիսկ տեսական հնարավորություն ունենալով՝ գործնականում ոչ միշտ է հաջողվում այն իրականացնել: Առեւտրային հակասությունները սրվում են, եւ այն ամենը, ինչը գրված ու հռչակված է, ոչ միշտ է արտացոլվում պրակտիկայում»,- նշել է Թիմուր Մաքսիմովը: Ընդ որում՝ նա հույս է հայտնել, որ ռուսական ընկերությունները Հայաստանին տրամադրված նման հնարավորությունը կօգտագործեն:
