«Հոգու խորքում Ջոն Բոլթոնը նախագահին ապուշ է համարում»,- New-Yorker-ի հետ զրույցում կարծիք է հայտնել անվտանգության հարցերով Սպիտակ տան խորհրդականի նախկին օգնական Մարկ Գումբրիջը, որը 15 տարի աշխատել է Բոլթոնի հետ եւ խորհրդատվություն է տրամադրել նրան, երբ Ջորջ Բուշ-կրտսերի օրոք Բոլթոնը զբաղեցնում էր ՄԱԿ-ում ԱՄՆ դեսպանի պաշտոնը։

«Ջոնը մտածում է․ «Եթե ես կարողանամ փոխել կամ մեղմացնել նախագահի գործողությունները, ես դա կանեմ»»,- հայտարարել է Գումբրիջը՝ հավելելով․ «Նա իրոք հայրենասեր է։ Սակայն ինձ հետաքրքիր է, թե ինչպես է նա ամեն օր գնում աշխատանքի, քանի որ հոգու խորքում նախագահին ապուշ է համարում»։

Հաշվի առնելով, որ «Թրամփը պատերազմ չի ուզում», Բոլթոնը ստիպված ջանքեր է թափել, որ համոզի Թրամփին իրեն աշխատանքի վերցնել։ «Որպեսզի աշխատանք ստանա, Բոլթոնը ստիպված է եղել կտրել իր ձվերը եւ դնել Թրամփի սեղանին»,- համարում է դիվանագետը։