ԱՄՆ Ջորջիա նահանգի իշխանությունները հայտարարել են երկրի 8 նահանգներում անձանց 4-ամսյա հետապնդումից հետո 82 կասկածյալի կալանավորման մասին, որոնք պահել կամ տարածել են «մսուրային տարիքի եւ նորածինների նկատմամբ ամենադաժան սեռական բռնություն պարունակող նյութեր», հայտնում է Fox News-ը:
Ջորջիայի հետաքննությունների բյուրոն հայտարարել է, որ Operation Southern Impact III կոչվող լայնածավալ գործողությունը կենտրոնացած էր անձանց վրա, որոնք պահել եւ տարածել են մանկական պոռնոգրաֆիս, ինչպես նաեւ համացանցի օգտագործմամբ զբաղվել են երեխաների սեռական շահագործմամբ:
Գործողության շրջանակում իրավապահ մարմինների ուժերը կոնտրոնացվել էին Ալաբամա, Ֆլորիդա, Ջորջիա, Մերիլենդ, Հյուսիսային Կարոլինա, Վիրջինիա եւ Արեւմտյան Վիրջինիա նահանգներում:
Միայն Ջորջիա նահանգում աղմկահարույց գործով կալանավորվել է 31 մարդ, որոնցից յոթը ճանապահորդել են մանկահասակ երեխաներին ինտիմ կապի հարկադրելու նպատակով:
Նշվում է, որ կալանավորվաների տարիքը տատանվում է 20-ից մինչեւ 70 տարեկանի սահմաններում: Գործի շրջանակում 17 երեխա փրկվել է կամ ճանաչվել սեռական հանցագործությունների զոհ:
Operation Southern Impact III գործի շրջանակում հետախուզում է հայտարարվել 134 մարդու նկատմամբ, հարցաքննվել է 215-ը եւ առգրավվել է 1613 թվային կրիչ: