Իրանի նախագահ Հասան Ռուհանիի եղբայր Հուսեյն Ֆերեյդունը, որը 2017թ․ ձերբակալվել է ֆինանսական հանցագործությունների մեղադրանքով, շաբաթ օրը դատապարտվել է բանտային կալանավորման՝ հայտնում է ISNA-ն։
Ֆերեյդունը ձերբակալվել էր 2017թ․ հուլիսի 16-ին։ Նրա եւ մի քանի այլ անձանց հանդեպ մի քանի հետաքննություն է կատարվում։
«Այդ մարդը որոշ մեղադրանքներով դատական կարգով արդարացվել է, սակայն մեղադրանքների մյուս մասի հետ կապված՝ նա դատապարտվել է բանտային կալանավորման, սակայն դատարանի վճիռը դեռեւս վերջնական չէ, այդ պատճառով եւ մանրամասներ չեմ հայտնի»,- հայտարարել է պետական ծառայողների դատական վարչության ղեկավար Համիդ Ռեզա Հոսեյնին։
Հուսեյն Ֆերեյդունը Իրանի միջուկային հարցով երկրի կողմից հատուկ հանձնակատար էր 2015թ․ բանակցություններում։
