Շրի Լանկայում դպրոցականների անվտանգությունն ապահովելու նպատակով մշակվել է հատուկ ծրագիր, հաղորդում է News First-ը:
Այդ ծրագրի շրջանակներում 6-րդ եւ բարձր դասարանների աշակերտների դասերը կվերսկսվեն մայիսի 6-ին
Իսկ կրտսեր եւ միջին դասարանների աշակերտների արձակուրդները կերկարաձգվեն. նրանք կկարողանան գնալ դպրոց մայիսի 13-ից:
Հիշեցնենք, որ ապրիլի 21-ին՝ Զատկի կիրակի օրը, երկրում որոտացել են ութ պայթյուններ, որոնք, համաձայն առողջապահության նախարարության, խլել են 250-260 մարդու կյանք: Կատարվածի պատասխանատվությունն ստանձնել է ԻՊ ահաբեկչական խմբավորումը: Համաձայն Շրի Լանկայի իշխանությունների տեղեկությունների՝ պետության տարածքում գործում են այդ ահաբեկչական խմբավորման շուրջ 130-140 անդամներ: Ըստ հետաքննության վարկածի՝ հարձակումները գործել են ինը մահապարտ ահաբեկիչներ, որոնցից ութի անձն արդեն հաստատվել է: