Արարատի մարզում մայիսի 11-ին մահվան ելքով վրաերթ է տեղի ունեցել․ հայտնում է Shamshyan.com-ը։
Ժամը 21:30-ի սահմաններում Արարատի մարզի բնակիչ 54-ամյա Սամվել Ամիրյանը Honda մակնիշի ավտոմեքենայով Երևան-Երասխ ավտոճանապարհի 30 կմ հատվածում վրաերթի է ենթարկել մոտ 50-55 տարեկան տղամարդ հետիոտնի:
Վարորդը փախուստի չի դիմել, ահազանգել է շտապօգնություն և օգնել է տուժածին տեղափոխել Արտաշատի բժշկական կենտրոն:
Տուժածը վերակենդանացման բաժանմունքում մահացել է:
Վարորդը ենթարկվել է սթափության փորձաքննության, պարզվել է, որ նա մեքենան վարել է սթափ վիճակում:
Փաստի առթիվ հարուցվել է քրեական գործ:
Ոստիկանությունն ու քննչական բաժինը պարզում են մահացածի ինքնությունը:
