Ամերիկյան Քոնեկտիկուտ նահանգի իշխանությունները կիրակի մեղադրանք են ներկայացրել Նյու Հեւեն քաղաքի բնակչին սպիտակ փոշով եւ սպառնալիքներով նամակների համար՝ ուղղված ԱՄՆ նախագահ Դոնալդ Թրամփին, տեղեկացնում է ՏԱՍՍ-ը՝ հղում կատարելով Ասոշիեյթեդ պրեսին։
Իշխանությունների տեղեկություններով՝ Գերի Ջոզեֆ Գրավելը պնդում էր, որ ծրարներում, որոնք նա ուղարկել էր անցած տարի, սիբիրյան խոցի սպորներ էին։ Նա նաեւ դրանցում գրառումներ էր դնում հետեւյալ բովանդակությամբ. «Դուք մեռնելու եք»։ Իրականում ծրարներում ավելի հաճախ մանկական փոշենյութ էր։
Գրավելը նման ուղերձներ ուղարկել է նաեւ Քոնեկտիկուտի իսլամական կենտրոն եւ այլ կազմակերպություններ։ Նա նաեւ զանգահարել է հեռախոսով եւ տեղեկացրել իբր տեղադրված ռումբերի մասին։
