Հայաստանում նոր առաջարկներ պետք է ստացվեն այլընտրանքային էներգետիկայի զարգացման վերաբերյալ:
Մայիսի 14-ին լրագրողների հետ հանդիպման ժամանակ այս մասին հայտարարեց «Բարգավաճ Հայաստան» կուսակցությունից պատգամավոր Սերգեյ Բագրատյանը:
Նա հիշեցրեց, որ հնարավորություններ են առաջարկվել արեւային էներգիայի վարկավորման համար, որը, նրա կարծիքով, հաջողված նախագիծ է, եւ այդ ոլորտը պետք է խթանել եւ զարգացնել:
Բացի այդ, պատգամավորը նշեց, որ երկրում հարկային բարեփոխումների վերաբերյալ մտահոգություն կա, մասնավորապես` հարկման հավասարեցման մեխանիզմի վերաբերյալ: «Դրանից հատկապես դժգոհ են մինչեւ 150 հազար դրամի սահմաններում աշխատավարձ ստացող քաղաքացիները», - նկատեց Բագրատյանը:
