Վանդալները Բուլղարիայում լուրջ վնաս են հասցրել եզակի ժայռապատկերներին Մագուրա քարանձավում։ Focus գործակալությունը ներկայացրել է լուսանկարներ Facebook-ից, որոնցից երեւում է, որ ժայռապատկերների վրա այլ բան է գրվել՝ «Ռադի, Պավչո, 2019 Անթով»։ Պատահարը սոցցանցում զանգվածային բացասական արձագանք է առաջացրել, տեղեկացնում է ՏԱՍՍ-ը։
«24 ժամ» թերթը նշում է, որ ոստիկանության բաժանմունքում հայտարարություն կատարվածի մասին չի ստացվել, իսկ տեղի իշխանությունները դեռ չեն հասցրել ստուգել հաղորդագրությունը։
Մագուրան Եվրոպայի մշակութային ժառանգության բնական հուշարձան է, որտեղ ժայռապատկերներ կան։ Այն հավակնում է ներգրավվելու ՅՈւՆԵՍԿՕ-ի համաշխարհային մշակութային եւ բնական ժառանգության ցուցակում, իսկ 1984-ից ազգային պահպանության օբյեկտ է համարվում։ Ժայռապատկերները քարայրում իսկապես եզակի են, իսկ գիտնականներն ընդգծում են, որ Մագուրան Բուլղարիայում միակ վայրն է, որտեղ դրանք հայտնաբերվել են։
Պատկերների մեջ կա ճշգրիտ արեւայն օրացույց, որի վրա նշված են նշանակալի աստղաբաշխական իրադարձություններ՝ ամառային եւ ձմեռային արեւակայություն, գարնանային եւ ամառային գիշերահավասար։ Պատկերները, որոնք կատարվել են մ.թ.ա.3000-1200 թվականների միջեւ, ներկայացնում են որսի տարբեր տեսարաններ։ Երկար տարիներ ժայռապատկերներով քարայրը հասանելի է եղել միայն մասնագետներին, բայց տեղի իշխանության որոշմամբ՝ այն բացվել է բոլորի առջեւ։
