News
Լրահոս
News
Շաբաթ
Հոկտեմբեր 19
USD
476.34
EUR
530.17
RUB
7.45
ME-USD
0.07
Տեսնել լրահոսը

Ucom ընկերությունը Հայաստանի հեռահաղորդակցային շուկայում առաջին անգամ դոլարային եւ դրամային պարտատոմսեր է թողարկել՝ 7.5 եւ 11 տոկոս եկամտաբերությամբ։ Այս մասին լրագրողների հետ հանդիպմանն ասել է ընկերության համահիմնադիր եւ գլխավոր տնօրեն Հայկ Եսայանը։  Պարտատոմսերի թողարկման ընդհանուր ծավալը կազմում է 5 մլն ԱՄՆ դոլար՝ 7,5 տոկոս տարեկան եկամտաբերությամբ եւ 250 մլն ՀՀ դրամ՝ 11 տոկոս տարեկան եկամտաբերությամբ։ Անվանական արժեկտրոնային պարտատոմսերի արժեքը կազմում է համապատասխանաբար 100 դոլար եւ 100 000 դրամ։ Արժեկտրոններով վճարումները կիրականացվեն 3 ամիսը մեկ։

Ինչպես նշել է Հայկ Եսայանը, դա փոխշահավետ առաջարկություն է ե՛ւ պոտենցիալ ներդրողների, ե՛ւ ընկերության համար. ներդրողները, փող ներդնելով Ucom-ում, ոչ միայն եկամուտներ կստանան, այլեւ դրանով իսկ կնպաստեն ընկերության զարգացմանը։ Ընկերությունը կստանա միջոցներ հետագա զարգացման եւ ընդլայնման համար։ Միջոցների ներգրավումն այդկերպ ընկերության համար ավելի շահավետ է, քան բանկային վարկերը, իսկ տոկոսադրույքները պոտենցիալ ներդրողների համար ավելի բարձր են, քան բանկերում ավանդադրելիս։ Ավելին, քանի որ սա պիլոտային թողարկում է, դրանց եկամտաբերությունն ավելի բարձր կլինի, քան միջինը շուկայում։

Պարտատոմսերով ստացված միջոցները, ղեկավարի խոսքով, կուղղվեն կապիտալ ներդրումներին եւ մասամբ վերաֆինանսավորմանը։ 36 ամսվա մարմամբ պարտատոմսերը կտեղակայվեն «Արմենբրոկ» ԲԲԸ միջոցով մայիսի 16-ից մինչեւ հունիսի 15-ը։ Բայց դրանց հանդեպ մեծ հետաքրքրություն արդեն կա հիմա, ինչպես նշում է «Արմենբրոկի» տնօրեն Արամ Կայֆաջյանը։ Պարտատոմսերը, ըստ նրա, կհայտնվեն նաեւ Հայկական ֆոնդային բորսայում, ավելին, ներդրողները կկարողանան վերավաճառել դրանք ցանկացած պահի՝ սպասել մարման ժամկետին բնավ պարտադիր չէ։ Պարտատոմսերը կարող են ձեռք բերել բոլոր շահագրգիռ ֆիզիկական եւ իրավաբանական անձինք։ Դա շատ հեշտ է, անգամ սկսնակ ներդրողների համար, կպահանջվեն միայն ներդրողի ներկայությունն ու անձը հաստատող (անձնագիր կամ ID քարտ) փաստաթուղթ, եւ ընդամենը 15-20 րոպե ժամանակ։

Պարտատոմսեր կարելի է ձեռք բերել ինչպես «Արմենբրոկում», այնպես էլ Ucom-ում։ Արամ Կայֆաջյանն ընդգծել է, որ սա պարտատոմսերի առաջին թողարկումն է ընկերության կողմից, որն աշխատում է հեռահաղորդակցային ոլորտում եւ չի հանդիսանում ֆինանսական ընկերություն (բանկ կամ վարկային կազմակերպություն չէ)։ Հայկ Եսայանն իր հերթին վստահություն է հայտնել, որ ընկերության պարտատոմսերը մեծ հետաքրքրություն են առաջացնում, եւ չի բացառվում, որ սա բոլորովին էլ Ucom-ի պարտատոմսերի  միակ թողարկումը չի լինի։

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Creative Armenia-ն հայտարարում է 2,000 ԱՄՆ դոլար գլխավոր մրցանակով մարտահրավեր սցենարիստների համար
«Առաջին էջ» սցենարի մարտահրավերը այժմ ընդունում է հայտեր…
Ucom-ում գործում է «Որակյալ սմարթֆոններ բոլորի համար» առաջարկը
Հոկտեմբերի ընթացքում Ucom-ում կգործի «Որակյալ սմարթֆոններ բոլորի համար» առաջարկը...
Beeline-ի եւ Մանկական զարգացման հիմնադրամի ծրագրի շրջանակում մեկնարկել է չորրորդ փուլը
Ծրագիրը թիրախավորում է ՀՀ Արարատի, Արմավիրի, Վայոց ձորի եւ Կոտայքի մարզերի 10 դպրոցների 13-16 տարեկան 120 աշակերտների, որոնցից 100-ը մասնակցել են դասընթացների փուլին...
Ucom-ի աջակցությամբ կայացավ հոբելյանական 15-րդ ԴիջիԹեքը (ֆոտո)
Դիջիթեք այցելեց ՏՏ համաշխարհային համաժողովի (WCIT 2019) նախարարական պատվիրակությունը, որի կազմում էին Բանգլադեշի, Իրաքի, Բրազիլիայի...
Beeline-ի գլխավոր տնօրփնը դասախոսություն է անցկացրել Երիտասարդ առաջնորդների միջազգային դպրոցի ուսանողների համար
Մասնագիտական հմտությունների կատարելագործման հարցում ձեր հիմնական օգնականներն ու ուսուցիչներն են ձեր գործընկերները, ղեկավարներն ու ենթակաները...
Beeline-ի աջակցությամբ 110 դպրոցականներ սովորեցին օգտվել թվային հնարավորություններից
Դասընթացների փուլի ավարտին հստակ ընդգծվեց այն փաստը, որ մարզերում ՏՀՏ-ի տարածումն ու դրա կիրառումը շատ հաճախ սկսվում եւ ավարտվում է սոցիալական…
Ամենաշատ
Ֆոտոռեպորտաժներ