News
Լրահոս
News
Երկուշաբթի
Հոկտեմբեր 14
USD
476.73
EUR
525.36
RUB
7.42
ME-USD
0.08
Տեսնել լրահոսը

Ցանկացած արկածախնդրություն քանդելու է երկիրը: Այս մասին Facebook-ի իր էջում գրել է ԱԺ ԲՀԿ խմբակցության պատգամավոր Նաիրա Զոհրաբյանը:

Նա, մասնավորապես, գրել է.

«Կարծում եմ, յուրաքանչյուր սթափ եւ մտածող քաղաքացի, մեզանից յուրաքանչյուրը, անկախ մեր զբաղեցրած պաշտոններից եւ էմոցիաների գերդոզայից, հասկանում ենք, կամ գոնե պիտի հասկանանք, որ մեր ցանկացած գոծողություն պետք է լինի բացառապես օրինական: Այլապես, բեսպրեդելների եւ սամասուդների ալիքը սրբելու է այն հույսը, հանուն որի քաղաքացին այսօր փորձում է, դեռ ընդամենը փորձում է հավատալ վաղվա օրվան: 

Ես ուզում եմ հուսալ, որ մեր բոլորի գործողությունները այսօր, վաղը եւ այսուհետ միշտ, կլինեն օրինական եւ ադեկվատ: 

Այլապես, հետեւանքները շատ ծանր ու անդառնալի են լինելու: Շատ եմ ուզում, որ բոլոր նրանք, ովքեր այսօր «գրոհ» օպերացիային են մասնակցելու, մտածեն դրա հետեւանքների մասին: Այո, ես առաջիններից եմ եղել, որ ասել եմ եւ հիմա էլ կրկնում եմ, որ դատական համակարգը մեր երկրում լրջագույն փփոխությունների պիտի ենթարկվի: Եւ մենք պատրաստ ենք իշխանության հետ միասին սկսել դատական համակարգում ռեֆորմների գործընթացը, բայց բացառապես օրինական ճանապարհներով: Այո, ես չեմ հավատում հին կաղապարներով գործող շատ դատավորների «ռեսթարտին»։ 

Սակայն իշխանության մի ինստիտուտի կողմից իշխանության մեկ այլ ճյուղի հանդեպ «ժողովրդական զանգվածների գրոհը» ոչ մի կերպ չի տեղավորվում իրավական, ժողովրդավարական պետություն կառուցելու` ամեն վայրկյան մանտրայի պես հնչող հայտարարությունների համատեքստում: Հայաստանում ոչ մի գործողություն, ոչ մի էմոցիոնալ ընդվզում չպետք է կասկածի տակ դնի երկրի Սահմանադրության բարձր գերակայությունը»: 

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Հրապարակ». Արսեն Թորոսյանի հաջորդ թիրախը Արմեն Մուրադյանն է. երկու մեթոդ է ընտրվել
Երեկ հայտնի դարձավ, որ բժշկական համալսարանի հոգաբարձուների խորհրդի որոշ անդամներ ինքնաբացարկ են ներկայացրել...
«Ժողովուրդ». Ոստիկանությունը արմատական փոփոխությունների շեմին է․ Նիկոլ Փաշինյանի պահանջը
Ըստ մեր լուրերի` այս երկու բաժինները հաշտ չեն եղել, քանի որ երկուսն էլ, կատարելով գրեթե նույն գործառույթը...
«Ժողովուրդ». Կհեռացնե՞ն Երեւանի ավագանուց Տիգրան Գալստյանին․ նրա դեմ բողոք է ներկայացրել կուսակից ընկերը
Ի դեպ, մեր տեղեկություննեով` սա կուսակցական վերահսկող այս հանձնաժողովի...
«Փաստ». Ալավերդու հիվանդանոցի «էպոպեան». Մրցույթում հաղթողը չի նշանակվի. Տեղը պահում են Արսեն Թորոսյանի մտերիմի համար
Մրցույթում հաղթած թեկնածուն վիրաբույժ Գևորգ Ազարյանն է, որը մոտ տասը տարի ԲԿ-ում զբաղվել է վիրաբուժությամբ...
«Ժողովուրդ». Երևան-Վենետիկ բանակցություններ․ ինչ է լինելու Թովմասյանի «ճակատագիրը» եւ ինչ է կատարվում ՍԴ պատերի ներսում
Հանձնաժողովում Հայաստանին վերաբերող 2 հարց է քննարկվել...
«Հրապարակ». Ցոլակյանը լռեց, թեեւ օրեր առաջ քննադատել էր ԱԱԾ ղեկավարի մասին օրենքը. «չէ, չեմ փոշմանել»
Բա Սերժի վախտ էդպե՞ս էր՝ հա՛մ ակտիվ խոսում էիք, հա՛մ ազատ քննադատում...
Ամենաշատ