News
Լրահոս
News
Երկուշաբթի
Հոկտեմբեր 02
USD
393.4
EUR
417.4
RUB
4.02
Տեսնել լրահոսը

Բեյրութում թոշակի անցած զինվորականներն այսօր վերսկսել են բողոքի ակցիաներն ու պատնեշել կառավարական պալատի մոտ գտնվող Ռիադ Սոլխի կենտրոնական հրապարակը:

Al Jadeed հեռուստաալիքի տեղեկություններով՝ ցույցի մասնակիցները փորձել են ներխուժել պալատ, սակայն ոստիկանները խոչընդոտել են, հաղորդում է ՏԱՍՍ-ը:

Ցուցարարներն իշխանություններից պահանջում են հրաժարվել թոշակի կրճատման ծրագրից: Մեկ շաբաթ առաջ նրանք արգելափակել էին Կենտրոնական բանկի շենքը՝ փորձելով ստիպել կառավարությանը լսել իրենց պահանջները: Բողոքի ակցիաներն անցկացվում են բյուջեի դեֆիցիտի կրճատման հարցով Սաադ Հարիրիի կոալիցիոն կաբինետի կողմից արտակարգ միջոցների քննարկման ֆոնին:

Հեռուստաալիքի տեղեկություններով՝ թոշակի անցած զինվորականները երկրի պաշտպանության նախարարի հետ հանդիպում են պահանջել:

Ընդ որում, այս պահին ցուցարարները չեն պատրաստվում լքել հրապարակի տարածքն ու սպասում են բանակցությունների արդյունքներին:

Փարիզի միջազգային կոնֆերանսի դոնոր երկրներն ավելի վաղ Լիբանանին խոստացել են 11 մլրդ դոլար տրամադրել՝ որպես արտոնյալ վարկեր ու անհատույց սուբսիդիաներ խոշոր ենթակառուցվածքային ծրագրերի ու տնտեսության կայունության ծրագրի իրականացման համար:

Մայիսի 1-7-ը Լիբանանի աշխատավորների համընդհանուր կոնֆեդերացիան համընդհանուր գործադուլ է անցկացրել, որը դադարեցվել է իշխանությունների հետ համաձայնությունից հետո, սակայն փոխզիջումային համաձայնության կողմերը չեն հասել:  

!
Այս նյութը հասանելի է նաև   Русский
Տպել
Ամենաշատ
Ֆոտոռեպորտաժներ