ԱՄՆ արտաքին քաղաքականությունն ապակայունացնում, փակուղի է մտցնում եւ հիշեցնում է Դոն Կիխոտին:
Զինաթափման վերաբերյալ համաժողովին այդ մասին հայտարարել է Չինաստանի դեսպան Լի Սոնգը, հաղորդում է Reuters-ը:
«Սառը պատերազմի մտածելակերպը վերադարձել է՝ խոշոր տերության ռազմավարությունը եւ անվտանգության քաղաքականությունը կառավարելու համար», - ասել է նա: «Մասնավորապես, ԱՄՆ-ն մշտապես ասում է, որ մյուս երկրները ստիպում են իրեն ոչ անվտանգ զգալ, դա իսկապես շփոթեցնում է», - ասել է նա:
Մեկնաբանելով ԱՄՆ կոչերը, որ մյուս միջուկային տերություններն ընդունեն միջուկային զենքի թափանցիկության ընդհանուր ստանդարտները, նա նշել է, որ դա ԱՄՆ-ում ընդունված կանոնների միոջոցով Վաշինգտոնի կողմից ավելի թույլ տերություններին վախեցնելու փորձ է:
Լիի խոսքով՝ նման ընդհանուր ստանդարտների պահանջի գաղափարը ծաղր է այն իրավիճակի նկատմամբ, որի հետ բախվում է աշխարհը միջազգային անվտանգության պայմաններում, որը բնութագրվում է անպաշտպանության տարածված զգացողության հետ, որտեղ միակողմանի եւ ահաբեկող գործելակերպը հեգեմոնիայի նոր ձեւ է:
«Մենք չենք կարող չհիշեցնել այն մասին, որ Դոն Կիխոտը պատրաստ էր նետվել հողմաղացների վրա», - ասել է դիվանագետը:
«Նման մտածողության վրա հիմնված ազգային անվտանգության քաղաքականությունը ինքնին վտանգավոր է միջազգային խաղաղության եւ անվտանգության համար», - կարծում է նա:
Նրա խոսքով՝ ԱՄՆ-ն նոր շահեր է հետապնդում անվտանգության ոլորտում՝ միջազգային կանոնների գնով, սաբոտաժի ենթարկելով եւ խզելով գործարքները, միաժամանակ ընդլայնելով սեփական հարձփակողական եւ պաշտպանական հնարավորությունները, սրելով լարվածությունը, բորբոքելով սպառազինությունների մրցավազքը եւ խաթարելով ռազմավարական կայունությունը: