News
Լրահոս
News
Չորեքշաբթի
Հոկտեմբեր 16
USD
476.76
EUR
526.2
RUB
7.42
ME-USD
0.08
Տեսնել լրահոսը

Իշխող «Ազգային դեմոկրատական դաշինքը»՝ «Բհարաթիա ջանաթա պարտի»-ի գլխավորությամբ, ձայների հաշվարկի արդյունքներով անցել է 272 տեղից, որն անհրաժեշտ է Հնդկաստանում խորհրդարանական ընտրություններում հաղթելու համար, հինգշաբթի հայտնել է երկրի ԿԸՀ-ն, փոխանցում է «ՌԻԱ Նովոստի»-ն:

Ներկայումս իշխող դաշինքը երկրի խորհրդարանի ստորին պալատում (Լոկ Սաբհա) ունի 310 տեղ: Նրա հիմնական մրցակիցն է «Հնդկական ազգային կոնգրես» քաղաքական կուսակցությունը, որը ղեկավարում է Ռահուլ Գանդին՝ ծագում է Հնդկաստանի ամենաազդեցիկ Ներու-Գանդի քաղաքական գերդաստանից:

Նախնական արդյունքներով՝ Կոնգրեսը, որը 2014 թվականին իր դաշնակիցների հետ ստացել էր միայն 69 տեղ, ընթացիկ տարում զգալիորեն ամրապնդել է իր դիրքերը՝ ստանալով գրեթե 2 անգամ ավելի մանդատներ:

Լոկ սաբհայի ընտրությունների քվեարկությունը տեղի է ունեցել ապրիլի 11-ից մայիսի 19-ը երկրի բոլոր 29 նահանգներում եւ 7 միութենական տարածքներում: Սպասվում է, որ ընտրությունների արդյունքների մասին պաշտոնապես կհայտարարվի մայիսի 23-ի երեկոյան: Հիմնական պայքարը ծավալվել է 2 քաղաքական ուժերի միջեւ՝ իշխող «Բհարաթիա ջանաթա պարտի»-ի եւ «Հնդկական ազգային կոնգրես» ընդդիմադիր կուսակցության միջեւ:

!
Այս նյութը հասանելի է նաև   English and Русский
Տպել
Ամենաշատ
Ֆոտոռեպորտաժներ