Իրանը ոչ մի բանակցություն չի վարի ԱՄՆ-ի հետ, քանի դեռ Վաշինգտոնը իրանական ազգի նկատմամբ թշնամական վերաբերմունք է ցուցաբերում: Այս մասին հայտարարել է Իրանի Ազգային անվտանգության բարձրագույն խորհրդի մամուլի քարտուղար Քեյվան Խոսրավին, հաղորդում է Mehr-ը:
Նրա խոսքով՝ Թեհրանը ԱՄՆ-ի հետ չի բանակցի, քանի դեռ Վաշինգտոնը չի փոխի իր վարքագիծը:
«Բանակցություններ ընդհանրապես չեն լինի», - ընդգծել է նա:
Խոսրավին հայտնել է, որ տարբեր երկրներից, հիմնականում ԱՄՆ անունից պաշտոնական անձանց Թեհրան այցերի քանակն ավելացել է՝ հավելելով, որ որոշ այցերի մասին հրապարակվել է, իսկ մնացածը գաղտնի են մնում:
Նշենք, որ ԱՄՆ նախագահ Դոնալդ Թրամփը բազմիցս Իրանին կոչ է արել նստել բանակցությունների սեղանի շուրջ՝ իրանական միջուկային համաձայնագրից ԱՄՆ-ի դուրս գալուց հետո:
