Շրի Լանկայի զինվորականները մոտ 100 մարդ են կալանել, որոնց կասկածում են Զատկի ահաբեկչություններին հանցակցության մեջ իսլամիստական խմբավորման մնացորդների քառօրյա որոնողական գործողությունների շրջանակում։ Ահաբեկչությունների հետեւանքով զոհվել էր 258 մարդ։

Ինչպես տեղեկացնում է AFP-ն, գործողությանը, որն իրականացվեց երկրի մայրաքաղաքում եւ նրա մերձակայքում, մասնակցել է մոտ 3000 զինծառայող։

Առաջին երեք օրը անվտանգության ուժերը կալանեցին 87 կասկածյալի։ «Կալանվածների թիվը ներկա պահին կարող է կազմել մոտ 100 հոգի»,- ասել է անվտանգության ծառայության աշխատակիցը՝ ավելացնելով, որ գրեթե բոլորն էլ կալանվել են թմրանյութեր, որոշ դեպքերում՝ ապօրինի զենք պահելու համար։

Մի քանի մարդ կալանվել է նաեւ տեսախցիկներով ու տեղի ջիհադականների այլ քարոզչանյութերով։

Այն ժամանակ, երբ իշխանությունները հայտարարում են, որ անմիջական սպառնալիքն ահաբեկիչների կողմից վերացված է, նախագահ Միթրիպալա Սիրիսենան մեկ ամսով երկարացրել է 30-րդ արտակարգ դրությունը։ Ահաբեկչություններից հետո Սիրիսենան հայտարարել է, որ այս քայլն ուղղված էր «հանրային անվտանգության» պահպանմանը։