ԱՄՆ պետքարտուղար Մայք Պոմպեոն հայտարարել է, որ Իրանը փորձել է բարձրացնել նավթի գինը, երբ իբրեւ թե հարձակման է ենթարկել Արաբական Միացյալ Էմիրությունների ափերի մոտ գնտվող նավթային տանկերը, հաղորդում է AFP-ն:
Պոմպեոյի մեկնաբանությունը հայտնվել է այն բանից հետո, երբ ազգային անվտնագության հարցերով խորհրդական Ջոն Բոլթոնը Աբու Դաբիում ասել է, որ Իրանը «գրեթե անկասկած» կանգնած է ԱՄԷ ափերի մոտ 4 նավերի սաբոտաժի հետեւում:
«Այո, դեսպան Բոլթոնը ճիշտ է հասկացել: Իրանցիները փորձել են բարձրացնել ամբողջ աշխարհով հում նավթի գինը»,- ասել է Պոմպեոն:
Իրանը կտրականապես հերքել է Բոլթոնի մեղադրանքները, հայտարարելով, որ նա «պատերազմ հրահրողներից» մեկն է:
