Հայաստանի նախագահ Արմեն Սարգսյանն այսօր՝ հունիսի 6-ին, տիկնոջ՝ Նունե Սարգսյանի հետ ներկա է եղել Արամ Խաչատրյանի անվան 15-րդ միջազգային մրցույթի բացման գալա համերգին: Այս մասին NEWS.am-ին հայտնում են ՀՀ նախագահի աշխատակազմի հասարակայնության հետ կապերի վարչությունից։
Միջազգային երաժշտական այս մրցույթն անց է կացվում նախագահի տիկնոջ՝ Նունե Սարգսյանի բարձր հովանու ներքո և ուղղված է շնորհալի երաժիշտների բացահայտմանը: Մրցույթն այս տարի անցկացվում է դաշնամուր մասնագիտությամբ։
Գալա համերգին մրցույթի պաշտոնական նվագախմբի՝ Հայաստանի պետական սիմֆոնիկ նվագախմբի հետ համատեղ հանդես է եկել դաշնակահար Հայկ Մելիքյանը:
