Կոտայքի մարզպետ Ռոմանոս Պետրոսյանը քվեարկելուց հետո վերադարձել ու սկսել է հանձնաժողովի ԲՀԿ-ական անդամի կատարած խախտումը «հետաքննել»։ Այս մասին ֆեյսբուքյան գրառմամբ հայտնել է «Իրազեկ քաղաքացիների միավորում» հկ համակարգող Դանիել Իոաննիսյանը։
«Աբովյանի 29/07 տեղամասում Կոտայքի մարզպետ Ռոմանոս Պետրոսյանը քվեարկելուց հետո վերադարձել ու սկսել է ԲՀԿ-ական հանձնաժողովի անդամի կատարած խախտումը "հետաքննել"։
Երբ մեր դիտորտ Սեւադա Ղազարյանը փորձել է պարզել, թե ի՞նչ է անում մարզպետը, վերջինս մեր դիտորդին անվանել է "ԲՀԿ-ի դիտորդ"»,- ասված է նրա գրառման մեջ։
Հիշեցնենք, որ Կոտայքի մարզպետ Ռոմանոս Պետրոսյանը հայտարարել է, որ Աբովյանի 29/07 տեղամասում հանձնաժողովի ԲՀԿ-ական անդամի ձեռքին եղել է ընտրողների ցուցակ։
Իսկ հանձնաժողովի ԲՀԿ-ական անդամը պնդել է, որ դա համատիրության ցուցակն է, որը պարզապես մնացել է ուղեցույցի մեջ, և ցուցակում ընդգրկված քաղաքացիներն անգամ այդ ընտրատեղամասում չեն քվեարկում։
