Այսօր ղազախստանի Կենտրոնական ընտրական հանձնաժողովը հրապարակել է երկրի նախագահական ընտրությունների նախնական արդյունքները, որոնք անցկացվել են նախօրեին՝ հունիսին 9-ին, հայտնում է NUR.KZ-ը: 

ԿԸՀ փոխնախագահ Կոնստանտին Պետրովի հրապարակած նախնական արդյունքներով Կասիմ-Ժոմարտ Տոկաեւը ստացել է ձայների 70,76 տոկոսը: Այսինքն՝ նրա օգտին իրենց ձայնն են տվել 6 504 054 ղազախստանցիներ:

Ամիրժամ Կոսանովը ստացել է 16,02 տոկոս ձայներ, նրա օգտին է քվեարկել 1 472 733 ղազախստանցի:

Ժամբիլ Ահմեթբեկովը՝ 1,82 տոկոս (167 249 ձայն):

Դանիա Եսպաեւան՝ 5,2 տոկոս (470 153 ձայն):

Տոլեուտայ Ռահիմբեկովը՝ 3,2 տոկոս (294 271 ձայն):

Ամանգելդի Տասպիխովը՝ 2,07 տոկոս (190 304 ձայն):

Սադիբեկ Տուգելը՝ 0,92 տոկոս (84 348 ձայն):