Մամուլը շրջանառել է տարբեր տեսակի ինֆորմացիա թե իմ, թե մեր թիմի տարբեր անդամների վերաբերյալ, որոնք կամ հերքվում են, կամ ընդհանրապես անդրադարձ չի կատարվում: Այս մասին, այսօր՝ հունիսի 10-ին, ԱԺ-ում լրագրողների հետ զրույցում նշեց վարչապետի աշխատակազմի ղեկավար Էդուարդ Աղաջանյանը՝ անդրադառնալով լուրերին, որ վարչապետը դժգոհ է իր աշխատանքից եւ ինքը հնարավոր է հրաժարական տա:
«Անկեղծ ասած, եթե մենք մի ամբողջ աշխատանքային խումբ տրամադրենք, որն ամենօրյա ռեժիմով պետք է անդրադառնա նման տեղեկությունների հերքմանը, միգուցե, 10 հոգանոց խմբի ռեսուրսը դրան չհերիքի: Հետեւաբար, երբ ասում եք՝ մամուլում շրջանառվում է, հղում արեք արժանահավատ տեղեկատվության:
Մենք աշխատանքային հարաբերությունների մեջ ենք վարչապետի հետ, եւ այդ ընթացքում որոշ դեպքում նա գոհ կլինի, որոշ դեպքերում միգուցե դժգոհություն կլինի: Դա նորմալ աշխատանքային պրոցես է»,-ասաց նա: