ԱՄՆ ՌՕՈւ Կենտրոնական հրամանատարության մամուլի քարտուղար, կապիտան Բիլ Ուրբանը հերքել է տեղեկություններն այն մասին, թե Իրանում խփվել է ամերիկյան անօդաչու սարք, տեղեկացնում է Associated Press-ը։

«Իրանի տարածքի վրա դրոն չի եղել»,- ասել է նա։

Ավելի վաղ իրանական ԶԼՄ-ները, հղում կատարելով ԻՀՊԿ-ին, տեղեկացրել էին ռազմաօդային ուժերի կողմից ԱՄՆ արտադրության Global Hawk անօդաչուի խփվելու մասին Կուխե Մոբարաք նահանգի մոտ, որը գտնվում է Ջասք նավահանգստում, այն բանից հետո, երբ թռչող սարքը խախտել էր Իրանի օդային սահմանը։