Apple Inc ընկերությունը հայտարարել է, որ չինական ապրանքների համար ամերիկյան մաքսատուրքերը, ներառյալ՝ iPhone, iPad եւ Mac, նվազեցնում է ԱՄՆ տնտեսությունում ընկերության ներդրումն ու վնասում է իր գլոբալ մրցունակությունը, հաղորդում է Reuters-ը:
Ընկերության հայտարարության մեջ ասվում է, որ ԱՄՆ կառավարությունը չպետք է շարժվի մաքսատուրքերի սահմանմամբ: Ընկերության պնդմամբ՝ այդ մաքատուրքերը նաեւ տարածվում է Airpods, AppleTV, մարտկոցների եւ այլ մասերի վրա:
Apple-ը հիշեցրել է, որ համարվում է ԱՄՆ-ում խոշորագույն հարկատուն: 2018 թվականին այն խոստացել է ԱՄՆ տնտեսությունում ավելի քան 300 մլրդ դոլար ներդնել 5 տարվա ընթացքում:
«Այդպիսով, մաքսատուրքերը ձեռնտու են մեր գլոբալ մրցակիցներին»,- ասվում է ընկերության հայտարարության մեջ: