Չինաստանի ոստիկանությունը փրկել է ավելի քան 1100 կնոջ Հարավային Ասիայի երկրներից, որոնք դարձել էին սեռական թրաֆիքինգի զոհ, հաղորդում է Reuters-ը:
Կանանց փրկությանն ուղղված գործողություններն անցկացվել էին Հարավային Ասիայի երկրների հետ համատեղ: Նշվում է, որ կանանց հիմնականում վաճառել էին որպես հարսնացուների: Փրկել էին նաեւ 17 երեխայի:
Նշվում է, որ Չինաստանում «ընտանիքում 1 երեխայի քաղաքականությամբ» առաջացած սեռային դիսբալանսի հետեւանքով երկրում մնացել են որդեծնության տարիքի փոքրաթիվ կանայք, իսկ տղամարդկանց թիվը գերակշռում է:
Ըստ ՄԱԿ-ի տվյալների՝ Չինաստանում աճել է կանանց հոսքը, մասնավորապես, Հարավային Ասիայի այնպիսի երկրների աղքատ ընտանիքներից, ինչպիսիք են Մյանման եւ Կամբոջան:
Ըստ Կամբոջայի տվյալների՝ 2016 թվականի դրությամբ շուրջ 7000 կին բնակվում է Չինաստանում՝ ամուսնանալով իրենց կամքին հակառակ: Այդ առնչությամբ Կամբոջան խնդրել է Պեկինին խստացնել մուտքի արտոնագրի ստացումը Կամբոջայի չամուսնացած կին քաղաքացիների համար: