Գլենդելի խորհրդի անդամները միաձայն սատարել են նախկին քաղաքապետ Ֆրենք Կինտերոյի թեկնածությունը խորհրդի անդամ Զարեհ Սինանյանին փոխարինելու համար, որը վայր էր դրել լիազորությունները Սփյուռքի հարցերով գլխավոր հանձնակատարի պաշտոնում նշանակվելու կապակցությամբ:

Կինտերոն առաջադրվել էր որպես Գլենդելի քաղաքապետ Արա Նաջարյանի կողմից: Խորհրդի նոր անդամն աշխատելու է մինչեւ հաջորդ տարվա մարտը, այնուհետեւ տեղի կունենան ընտրությունները, հաղորդում է Glendale News Press-ը:

Գլենդելի Խորհուրդը հրաժարվել էր ներկա պահին ընտրություններ անցկացնելուց, քանի որ քաղաքի բյուջեից կպահանջվեր լրացուցիչ 1.1 միլիոն դոլար: