ԱՄՆ նախագահ Դոնալդ Թրամպը ժամանել է Ճապոնիայի Օսակա քաղաք, ուր ուրբաթ եւ շաբաթ տեղի կունենա G20 գագաթնաժողովը, սակայն այս անգամ առանց կնոջ՝ Մելանիայի, սակայն դստեր՝ Իվանկա Թրամփի ուղեկցությամբ, հաղորդում է «ՌԻԱ Նովոստին»:
Օդանավասանդուղքի մոտ Թրամփին ողջունել է Ճապոնիայի ԱԳ նախարար Տարո Կոնոն:
Հատկանշական է, որ Արգենտինայում G20-ի նախորդ գագաթնաժողովին Մելանիան ուղեկցում էր ամուսնուն: Լրագրողները, որոնք մամուլի կենտրոնում հետեւում էին հեռարձակմանը անգամ մի քանի կատակներ են արել նաախագահական զույգի միջեւ հնարավոր վեճի մասին:
G20 երկրների գագաթնաժողովը կանցկացվի Օսակայում հունիսի 28-29-ը: Բացի G20 երկրներից՝ Արգենտինայից, Ավստրալիայից, Բրազիլիայից, Կանադայից, Չինաստանից, Ֆրանսիայից, Գերմանիայից, Հնդկաստանից, Ինդոնեզիայից, Իտալիայից, Մեքսիկայից, Հարավային Կորեայից, Հարավային Աֆրիկայից, Ռուսաստանից, Սաուդյան Արաբիայից, Թուրքիայից, Միացյալ Թագավորությունյից, ԱՄՆ-ից, Եվրոպական Միությունից եւ Ճապոնիայից, համաժողովին մասնակցելու են Իսպանիան, Սինգապուրը, Թաիլանդը, Եգիպտոսը, Սենեգալը, Չիլին, Վիետնամը, Նիդերլանդները, ինչպես նաեւ միջազգային կազմակերպությունները, ինչպիսիք են ՄԱԿ-ը, Համաշխարհային բանկը, Արժույթի միջազգային հիմնադրամը, ԱՀԿ-ն եւ այլն:
Սպասվում է, որ G20-ի երկրները կքննարկեն առեւտրի եւ ներդրումների, նորարարությունների, անհավասարության, նախեւառաջ գենդերային անհավասարության, բնապահպանության եւ էներգետիկայի հարցերը:
Բացի այդ նախատեսված է երկու լրացուցիչ միջոցառումների անցկացում՝ թվային տնտեսության եւ կանանց իրավունքների եւ հնարավորությունների ընդլայնման վերաբերյալ:
