News
Լրահոս
News
Երկուշաբթի
Հուլիս 13
USD
486.73
EUR
549.62
RUB
6.84
ME-USD
0.02
Տեսնել լրահոսը

Անցած տարի դարձանք ներքաղաքական դավադրության վկաները։ Այս մասին «Ներքաղաքական իրադարձությունները Հայաստանում. Ստամբուլի կոնվենցիան» թեմայով քննարկման շրջանակում հուլիսի 12-ին ասաց «Ակունք» Քաղաքական վերլուծության կենտրոնի ղեկավար, նախկին պատգամավոր Ռուբեն Հակոբյանը։

«Այն ամենը, ինչ տեսանք անցած տարի, կարելի է անվանել միայն իշխանափոխություն։ Տարօրինակ է, որ 50 ագրեսիվ մարդիկ զավթեցին «Ռադիոտունը», բայց իշխանությունները ոչ մի կերպ չարձագանքեցին, թեեւ կարող էին անգամ ուժ կիրառել միջազգային իրավունքի բոլոր նորմերով։ Մենք բոլորս, ծանոթ լինելով քաղաքական իրողություններին, հասկանում ենք, որ հենց այնպես դա անել հնարավոր չէր»,- նշել է նա։

Հակոբյանը նկատել է, որ, թերեւս, իրականացվել է սցենար, որը գրվել էր միջազգային կազմակերպությունների օֆիսներում։ Փորձագետն ավելացրել է, որ մենք տեսնում ենք մի մարդու իշխանություն, որի գլխավոր նպատակն այս իշխանությունը պահելն է։ «Դա նորմալ ցանկություն է։ Նորմալ չէ, երբ դա արվում է ոչ թե ծրագրերի օգնությամբ, այլ ատելությամբ եւ հասարակությունը բաժանելով։ Հետաքրքիր է, որ այդ դավադրությունների հեղինակները լուրջ ազդեցություն ունեն քաղաքական դաշտում»,- ասել է նա։ Նրա խոսքով՝ այդ դավադրությունն իր խորհրդանիշն ունի՝ Գագիկ Ջհանգիրյան, որը 1996-ի պետական դավաճանության գլխավոր ճարտարապետն է, ինչից հետո Հայաստանի զարգացումն ընդհատվեց։

«Մարդը պետք է հայտնվեր բանտում, բայց մենք տեսնում ենք, թե որքան ակտիվ է նա հանդես գալիս եւ անգամ կարծիք հայտնում, ըստ որի՝ Սահմանադրական դատարանի դատավորները քվեարկելու իրավունք չունեն։ Այս մտքի շարունակումը մենք տեսել ենք Վահե Գրիգորյանի մոտ, որն ասաց, որ Սահմանադրական դատարանի դատավորներն ու անդամները նույնը չեն»,- ասաց Ռուբեն Հակոբյանը։ Նա նշեց, որ  ժողովուրդը, առաջին հերթին, դեմ էր համակարգին, բայց Փաշինյանը ոչ մի նոր բան չառաջարկեց։

Հիշեցնենք, որ 2018 թվականի հունվարի 18-ին Հայաստանը Ստրասբուրգում ստորագրեց Եվրոպայի խորհրդի միջազգային համաձայնագիրը կանանց եւ ընտանեկան բռնության դեմ, որն ավելի շատ հայտնի է «Ստամբուլյան կոնվենցիա» անվամբ։ Համաձայնագրի ստորագրումը միանշանակ չընդունվեց հայ հասարակայնության կողմից, քանի որ կոնվենցիայի որոշ դրույթներ, մի շարք փորձագետների կարծիքով, ոչ միայն ուղղված են հայկական ավանդույթներն ու արժեքները քանդելուն, այլեւ հակասում են երկրի Սահմանադրությանը։ 

!
Այս նյութը հասանելի է նաև   Русский
Տպել
Կարդացեք նաև
Ամբողջը
«Ժողովուրդ». Էրիկ Գրիգորյանին փոխարինող չեն գտնում. ինչ ճակատագիր է սպասվում նախարարությանը
Ավելին, «Ժողովուրդ» օրաթերթի տեղեկություններով՝ իշխանության ներսում...
«Ժողովուրդ». Արդարադատության նախարարի տեղակալներից մեկի հաստիքը թափուր կմնա
Այսպիսով, Արդարադատության նախարարությունում սեպտեմբերին...
«Հրապարակ». ԼՀԿ-ն իր կորցրած մանդատի հարցով գնալու է մինչեւ վերջ. սպառելու է բոլոր ընթացակարգերը եւ դիմի ՍԴ
ԿԸՀ-ն արձանագրեց․ չկան իրավական հիմքեր, ըստ որոնց՝ հնարավոր է վերականգնել որեւէ խմբակցության մանդատ...
«Ժողովուրդ». Ի՞նչ հարցեր են ընդգրկված դատավորների ընդհանուր ժողովում. հայտնի ՍԴ դատավորի թեկնածուի անունը
Բացի այդ, մեր տեղեկություններով՝ հենց այդ օրը Դատավորների ընդհանուր ժողովը...
«Հրապարակ». ԿԳՄՍՆ-ում տեղափոխություններ են սպասվում. ով հրաժեշտ կտա պաշտոնին
Մենք կապվեցինք նրա հետ եւ հարցրինք՝ ճի՞շտ է, որ իրեն...
«Ժողովուրդ». Ծախսել են, բայց չգիտեն՝ որքան. ինչու է առողջապահության նախարարությունը թաքցնում տվյալները
Հետաքրքրվել էինք նաեւ, թե որքան գումար է հատկացվել 1 անձի համար՝ բուժում սնունդ, գիշերակաց եւ այլն...
Ամենաշատ