News
Լրահոս
News
Չորեքշաբթի
Հուլիս 17
USD
476.74
EUR
535.47
RUB
7.6
ME-USD
0.16
Տեսնել լրահոսը


Արարատի մարզի Երասխ գյուղում այսօր՝ հուլիսի 12-ին, տեղի ունեցավ 20-ամյա Ծաղիկ Համբարձումյանի հուղարկավորությունը։ Նշենք, որ Երեւան-Երասխ ճանապարհին հուլիսի 6-ին տեղի ունեցած ողբերգական վթարի հետևանքով վիրավորված Ծաղիկը մահացել էր հուլիսի 10–ին։ Երեւանի Ճառագայթային բժշկության եւ այրվածքների հանրապետական գիտական կենտրոնի բժիշկները  չորս օր պայքարում էին նրա կյանքի համար, սակայն  աղջկա ստացած այրվածքները կյանքի հետ անհամատեղելի էին։

Ծաղիկն ավարտել էր Արարատի մարզի Բժշկական քոլեջը, մասնագիտությամբ դեղագետ էր։ «Ֆաբերլիկ»-ի կոսմետիկայի մատակարար էր, այդ օրը գնացել էր Արարատ քաղաք՝ իր պատվիրած արտադրանքը բերելու։

Նրա հարևանուհին՝ Աննա Առաքելյանը պատմում է, որ Ծաղիկը շատ եռանդուն, լավատես աղջիկ էր, պատրաստակամ՝ օգնելու բոլորին, աշխատանքի հետ կապված մեծ նպատակներ ուներ։

«Երբ ասացին՝ Երասխ-Արարատ գազելն այրվել է, տեգորս տղան էլ է մեջը եղել, հասցրել է դուրս թռչել, ու մենք սպասում էինք Ծաղոյին: Երկրորդ լուրը, բայց վատը՝ Ծաղոս էր: Տեգորս տանը նստած էի, զանգ եկավ, ասացին՝ Ծաղոն ա, մենք ուրախացել էինք, որ Ծաղոն ողջ ա: Տեգորս տղան պատմում էր, որ երբ հարվածը եղել է, Ծաղիկի նստարանը պոկվել է: Ու ինքն առաջ գալով՝ հարված է ստացել: Շտապօգնության մեքենայի մեջ անընդհատ ասել էր եղբորը՝ գնանք մարդկանց փրկենք, Գազելի մեջ երեխեք էին այրվում»,- պատմում է նա։

Ծաղիկի եղբայրը՝ Հրաչը, քրոջ կողքին է եղել հիվանդանոցի ճանապարհին։ Ծաղիկը, որն այդ ժամանակ, գիտակցության է եղել, եղբորը պատմել է, որ դեպքի պահին ինքը «Գազելի» մեջ քնած է եղել։

«Ասում էր, որ մի պահ արթնացել է, զգացել է՝ իր վրա մարդիկ են լցվում: Հիվանդանոցում մի պահ սկզբից գիտակցության էր, հետո այդպես էլ ուշքի չեկավ։ Բժիշկները գիտակցությունից զրկեցին, որ ցավը շատ ուժեղ չլինի»։

Հրաչը երախտապարտությամբ է հիշում բժիշկների աշխատանքը. «Հնար լիներ՝ իրենց կյանքն էլ կտային։ Մեր աչքի առաջ էդ մարդիկ կորցրել էին իրենց, անում էին ամեն ինչ, որ հետ բերեին Ծաղիկին։ Փորձեցին, բայց... իրեն էդքան էր տրված»։

Տպել
Կարդացեք նաև
Ամբողջը
Ավստրալացին հանուն զվարճության պատահաբար այրեց մեքենան
Հատուկ անվադողերը բռնկվեցին...
Խոշոր վթար Տավուշի մարզում․ Honda-ն կողաշրջվել է
Վթարի հետևանքով վարորդ Կ. Հ.-ն ժամեր անց բժշկական օգնություն ստանալու նպատակով դիմել է Վաղարշապատի բժշկական կենտրոն․․․․
Երևան-Մեղրի ճանապարհին «ՎԱԶ-2107»-ը դուրս է եկել երթևեկելի հատվածից և հայտնվել դաշտում․ վարորդը հոսպիտալացվել է
Դեպքի վայր է մեկնել ԱԻՆ ՓԾ հրշեջ-փրկարարական ջոկատից մեկ մարտական հաշվարկ․․․
Մասիս քաղաքի գերեզմանատան մոտ ցորենի արտ է այրվում․ այնտեղ է մեկնել 7 մարտական հաշվարկ
Դեպքի վայր են մեկնել ԱԻՆ ՓԾ հրշեջ-փրկարարական ջոկատից երկու մարտական հաշվարկ․․․․․
Ծիծեռնակաբերդի անտառի տարածքը հրդեհել են քաղաքացինե՞րը. ԱԻՆ–ը դիմել է ոստիկանություն
ԱԻՆ–ը հաղորդագրությունն ուղարկել է ՀՀ ոստիկանություն միջոցներ ձեռնարկելու՝ հրդեհի հանգամանքները պարզելու...
Չարենցավանում գործող կահույքի արտադրամասում հրդեհ է բռնկվել
Դեպքի վայր է մեկնել ԱԻՆ ՓԾ հրշեջ-փրկարարական ջոկատից…