News
Լրահոս
News
Երեքշաբթի
Մարտ 19
Տեսնել լրահոսը


Աշխատանքը ցույց կտա, թե հարցերը մինչեւ ուր կգնան. եթե հարցեր լինեն, մենք կդիմենք Սերժ Սարգսյանին, որպեսզի ինքն էլ պատասխանի որոշակի հարցերի: Այս մասին այսօր՝ հուլիսի 16-ին, ԱԺ-ում լրագրողների հետ զրույցում նշեց ապրիլյան պատերազմի հանգամանքներն ուսումնասիրող ԱԺ քննիչ հանձնաժողովի նախագահ Անդրանիկ Քոչարյանը:

«Թե դա որ պահին կլինի, կլինի, թե չի լինի, կորոշի հանձնաժողովը»,-հավելեց նա:

«Բոլոր մեր ուժային պատասխանատուները, այս պահին եթե ասելիք ունեն, պետք է կենտրոնանան տվյալ ասելիքի վրա: Բայց մենք տեսնում ենք, որ շատ պաշտոնյաներ զբաղված են հասարակության հետ այլ հոլովակներով խոսելով (նկատի ունի Սեյրան Օհանյանին, ով կնոջ հետ տեսահոլովակներ է պատրաստում ու հրապարակում-խմբ): Ինձ հետաքրքրում են այս պահին ապրիլյան դեպքերն ու դրանց ուսումնասիրությունին առնչվող նյութերը»:

Հարցին, թե հնարավո՞ր է իրենց հանձնաժողովի գործունեության ժամկետը երկարացվի, Անդրանիկ Քոչարյանը պատասխանեց. «Ես այս պահին չեմ կարող ասել, եթե անհրաժեշտություն լինի ժամկետները երկարաձգել, ես կդիմեմ խորհրդարանաին եւ կարծում եմ, ԱԺ-ն չի մերժի: Մեկ այս ամսվա համար արդեն ունենք որոշակի արդյունքներ»,-ասաց նա՝ հավելելով, որ կգա նաեւ այն փուլը, որը լրագրողներին շատ է հետաքրքրում, թե ովքեր են գալու հանձնաժողով.

«Ցանկը բավականին մեծ է»,-ընդգծեց նա՝ չհստակեցնելով անունները:

!
Այս նյութը հասանելի է նաև   English
Տպել
Ամենաշատ