Խերսոնի մարզի վարչակազմի ղեկավար Յուրի Գուսեւը հանդիպել է Օդեսայում Հայաստանի գլխավոր հյուպատոս Գեւորգ Պետրոսյանի հետ, որը «Ագրոպորտ Հարավ Խերսոն — 2019» համաժողովի շրջանակում այցելել է Խերսոն, հաղորդում է AnalitikaUA.net-ը՝ վկայակոչելով Խերսոնի մարզի պետական վարչակազմին:
Հանդիպման ընթացքում Գուսեւը նշել է երկու կողմերի միջեւ փոխադարձ կապերի մեծ կարեւորությունը եւ հեռանկարայնությունը:
Կողմերն անդրադարձել են մարզում հայկական համայնքի գործունեության հարցերին:
Նրանք ընդգծել են պետությունների եւ համայնքների միջեւ մշակութային, հումանիտար, տնտեսական ոլորտներում կապերի հետագա ամրապնդման անհրաժեշտությունը, քննարկել համատեղ նախագծերի իրականացման հնարավորությունը: