News
Լրահոս
News
Չորեքշաբթի
Օգոստոս 12
USD
485.32
EUR
572.14
RUB
6.66
ME-USD
0.01
Տեսնել լրահոսը

Ղազախստանի արդյունաբերության եւ ենթակառուցվածքների զարգացման փոխնախարար Ամանիյազ Երժանովը կառավարության միջանցքներում հայտնել է, թե ինչու Հայաստան բերված ամերիկյան ավտոմեքենաները ղազախստանցիների շրջանում այդքան մեծ տարածվածություն ունեն, փոխանցում է NUR.KZ-ն: 

«Մենք մեր տեղեկատվական խողովակներով տեղյակ ենք, որ ԱՄՆ-ից Հայաստան է բերվել շուրջ 60 հազար մեքենա: Դրանք ձեռք բերելու համար մեր քաղաքացիները Հայաստանում ժամանակավոր կեցություն են ստանում, այդ մեքենաները գնում արդեն որպես Հայաստանի քաղաքացիներ, այսինքն՝ առանց լրացուցիչ մաքսատուրքերի վճարման, եւ բերում Ղազախստան ու հայկական համարանիշերով արդեն մեզ մոտ վարում»,- ասել է Ամանիյազ Երժանովը:

Նրա տեղեկություններով՝ երկիր են բերում տարբեր մակնիշների մեքենաներ՝ «ամերիկյան «Մերսեդեսներից» մինչեւ «Շեւրոլե»»:

Ընդ որում՝ նա դժվարացել է ասել, թե այդ մեքենաները որ թվականի թողարկման են: Հայտնի է միայն, որ դրանք գրեթե 2 անգամ ավելի էժան են այն ավտոմեքենաներից, որոնք մեզ մոտ են բերվում:

Սակայն, ինչպես նշել է նա, դա խնդիրներ է առաջացնում առաջին հերթին ճանապարհային ոստիկանների համար:

«Նրանք կարող են գերազանցել արագությունը, խախտել երթեւեկության կանոնները եւ դրա համար ոչ մի պատասխանատվություն չկրել: Նրանց չեն կարող պատասխանատվության ենթարկել: Տուգանքները չեն վճարում, պատասխանատվության չեն ենթարկվում, դրան գումարած, եթե դրանք ավելի շատ ներկրվեն, ապա մարդատար մեքենաների արտադրության ավելացման մեր ամբողջ աշխատանքը, ավտովարկավորման նույն միջոցները, պարզապես անիմատ կլինեն», - նշեց նա:

Արդյունաբերության եւ ենթակառուցվածքների զարգացման նախարարությունն առաջարկում է. քանի որ բնակչության շրջանում պահանջարկ կա, այդ մեքենաների գնումը օրինական դարձնել:

«Չենք պայքարելու...Եթե բնակչությունը ցանկանում է նման մեքենաներ գնել, ապա պետք չէ պայքարել, հակառակը՝ պետք է այնպես անել, որ դա օրինական լինի եւ նրա համար, որպեզի վաղը մեր քաղաքացիները օրենքի առաջ, իրավապահ մարմինների հետ խնդիրներ չունենա:

Պետք չէ մեքենաներ գնել Հայաստանում՝ ժամանակավոր հաշվառման կանգնելով, տարանցիկ համարներով ներկրել մեր երկիր, ավելի լավ է բերել, գրանցել եւ օրինական վարել: Իսկ հիմա ստացվում է, որ նրանք ոչ այստեղ են հարկեր վճարում, ոչ այնտեղ», - եզրափակել է Երժանովը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Ford-ն ավարտել է իր մոդելային շարքում վերջին սեդանի արտադրությունը
Այս գարնանը Ford-ը հայտարարել է իր մոդելային գամմայում վերջին սեդանից առաջիկայում հրաժարվելու մասին․ Fusion-ը, որը հայտնի է եվրոպական շուկայում Mondeo անունով, որոշվել է չեղարկել արտադրությունից պահանջարկի անկման պատճառով։ 2019 թվականին ԱՄՆ-ում վաճառվել է այդ սեդանի ավելի քան 166 հազար նմուշ․․․
Cadillac-ը ցուցադրել է Lyriq էլեկտրական քրոսովերը (ֆոտո)
Առաջին սերիական էլեկտրաքարի հիմքում ընկած է General Motors-ի նոր պլատֆորմը, որը մշակվել է հատուկ էլեկտրական ուժային կարգավորմամբ ավտոմեքենաների համար․․․
Հայկական պետհամարանիշներով մեքենաները ՌԴ–ում նորից մաքսազերծվում են Ռուսաստանի մաքսային դրույքաչափերով. Ահազանգ
Ռուսաստանի քաղաքացիություն ունեցող բոլոր այն մարդկանց, որոնք ունեն հայկական պետհամարանիշներով մեքենաներ...
Aston Martin-ը վիսկի է թողարկել կոլեկցիոներների համար
Վաճառքի կհանվի Black Bowmore DB5 1964-ի 25 շիշ...
Infiniti-ն ցույց է տվել QX55-ի նոր թիզերը
Ընկերությունը միայն խոստանում է, որ քրոսովերը կստանա բարձր տեխնոլոգիական համակարգերի եւ սարքերի մի ամբողջ զինանոց․․․
BMW ընկերությունը կորոնավիրուսի պատճառով այս տարվա երկրորդ եռամսյակում 212 մլն եվրո է կորցրել