News
Լրահոս
News
Կիրակի
Օգոստոս 18
USD
475.92
EUR
527.46
RUB
7.22
ME-USD
0.14
Տեսնել լրահոսը

Իրանը պատրաստ է կատարել Համատեղ համընդգրկուն գործողությունների ծրագրով ստանձնած իր պարտավորությունները, որից ավելի վաղ ԱՄՆ-ն դուրս էր եկել, հայտարարել է Իրանի առաջին փոխնախագահ Էսհաք Ջահանգիրին, փոխանցում է «ՌԻԱ Նովոստի»-ն:

«Իրանը պատրաստ է համագործակցել աշխարհի բոլոր երկրների հետ, հստակ իրականացնել Համատեղ համընդգրկուն գործողությունների ծրագրով իր պայմանավորվածությունները»,- հայտարարել է Ջահանգիրին՝ ելույթ ունենալով Կասպիական տնտեսական համաժողովում:

Նա նշել է, որ «ցավոք, ամերիկյան կողմը վարում է տարածաշրջանում անկայունություն ստեղծելու քաղաքականություն»:

«Ամերիկայի միակողմանի քաղաքականությունը, Ամերիկայի կողմից պատժամիջոցների օգտագործումը մեր տարածաշրջանի համար ահռելի խնդիր է»,- նշել է նա:

Չորս տարի առաջ՝ 2015 թվականի հուլիսի 14-ին, Իրանը եւ միջնորդների «վեցյակը» (Ռուսաստան, ԱՄՆ, Բրիտանիա, Չինաստան, Ֆրանսիա, Գերմանիա) ձեռք էին բերել պատմական պայմանավորվածություն՝ Իրանի միջուկային զենքի խնդրի կարգավորման մասին։ Ընդունվել էր Համատեղ համընդգրկուն գործողությունների ծրագիր: Համաձայնագրով նախատեսվում էր Իրանի դեմ պատժամիջոցների չեղարկում՝ Իրանի միջուկային ծրագրի սահմանափակման դիմաց։ Գործարքը նախնական տեսքով չգոյատեւեց անգամ 3 տարի. 2018 թվականի մայիսին ԱՄՆ-ն հայտարարեց, որ միակողմանիորեն դուրս է գալիս պայմանագրից եւ իսլամական հանրապետության դեմ վերականգնում խիստ պատժամիջոցները: Ընդ որում՝ ԱՄՆ նախագահ Դոնալդ Թրամփը հայտարարում է Թեհրանի հետ նոր գործարքը քննարկելու պատրաստակամության մասին՝ առանց նախապայմանների, սակայն վերջինը պահանջում է բանակցային գործընթացը սկսելու համար պատժամիջոցների հանում:

Գործարքից ԱՄՆ-ի դուրս գալու մեկ տարվա հետ կապած Իրանը մայիսի 8-ին հայտարարել էր ՀՀԳԾ մի շարք դրույթների կատարումը դադարեցնելու մասին, որոնք առնչվում են հարստացված ուրանի եւ ծանր ջրի պաշարներին: Իրանը ցածրհարստացված ուրանի պաշարների շեմը բարձրացրել է մինչեւ 300 կգ: Հետագայում Թեհրանում իշխանությունները հայտարարել էին միջուկային գործարքով պարտավորությունների կրճատման երկրորդ փուլի մասին՝ կապված այն հանգամանքի հետ, որ ՀՀԳԾ անդամ երկրները չեն կարողացել 60 օրում կատարել Թեհրանի պահանջները: Իրանն արդեն հարստացված ուրանի մակարդակը հասցրել է մինչեւ 4,5 տոկոսի (միջուկային գործարքով սահմանված էր 3,67 սահմանաչափը):

Իրանում նաեւ նշել են, որ հուլիսի 7-ից հետո (երբ սկսվել էր երկրորդ փուլը) 60 օր անց կանցնեն պարտավորությունների կրճատման երրորդ փուլին, եթե միջուկային գործարքի անդամ երկրները «ԱՄՆ տնտեսական ահաբեկչության դեմ» չապահովեն Իրանի շահերը: Իրանի ԱԳ նախարար Մոհամմադ Ջավադ Զարիֆը նշել է, որ Իրանի նախաձեռնած բոլոր քայլերը «շրջելի» են:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Իրանը ԱՄՆ-ի հետ նոր գործարք է ցանկանում. Թրամփ
Սա կապված է այն հանգամանքի հետ, որ պատժամիջոցները մեծ վնաս են հասցնում իրանական տնտեսությանը…
Իրանը կոշտ եւ արագ պատասխան կտա ցանկացած ագրեսիային
Անդրադառնալով Իրանի միջուկային գործունեության վերաբերյալ ԱՄՆ-ի անհիմն դժգոհությանը, Արագչին նշել է, որ հաշվի առնելով երկրի հետգեւոր...
Եվրոպական երկրների հետ միջուկային համաձայնագրի շուրջ Իրանի բանակցությունները «ավելի լուրջ են դարձել»
Վաեզին հավելել է, որ առաջիկայում նախատեսվում է եւս մեկ հանդիպում անցկացնել, որին կմասնակցեն Իրանի ԱԳ նախարարը եւ համաձայնագիրը ստորագրած 3 եվրոպական երկրները...
Թեհրանում հայտարարել են միջուկային գործարքով պարտավորությունները կրկին կրճատելու մասին
Այնուհետեւ կտրամադրվի 60-օրյա նոր ժամկետ, որպեսզի գտնվի այս խնդրի լուծումը…
Լավագույնը, որ ԱՄՆ-ն կարող է անել նավագնացության պաշտպանության համար, չմիջամտելն է. Զարիֆ
«Այստեղ մեզ կայունություն է պետք, բայց կայունությունը պետք է լինի բոլորի համար: Մեզ մոտ չի կարող կայունություն լինել ոմանց եւ անկայություն՝ մյուսների համար...
Իրանը բացահայտել է ցածր հարստացված ուրանի պաշարների ծավալը
«Ներկայումս մենք արտադրման լավ տեմպեր ունենք եւ մեր պաշարները գերազանցել են 300 կգն-ն առնվազն 60-ով՝ մինչեւ 70 կգ...