Թենեսիում մահապատժի դատապարտվածը խնդրել է իրեն պատժել էլեկտրական աթոռի վրա: AP-ի հաղորդմամբ՝ 56-ամյա Սթիվեն Ուեսթի մահապատիժը նախատեսված է հինգշաբթի Նեշվիլի բանտում:
Նա դատապարտվել էր 1986թ. իր 15-ամյա դստեր սպանության համար, որին նաեւ բռնաբարել էր: Ուեսթը, սակայն, հերքում է, որ սպանել է՝ պնդելով, որ դա արել է իր հանցակիցը, որն այդ ժամանակ 17 տարեկան էր: Հանցանքի պահին Ուեսթը 23 տարեկան էր:
Թենեսիի նահանգապետ Բիլ Լին մերժել է Ուեսթի ներման խնդրագիրը, որում նա նշել էր, որ հոգեկան հիվանդությունների դեմ դեղեր է խմում: Վերջին պահին Ուեսթը խնդրել է իրեն մահապատժի ենթարկել էլեկտրական աթոռի վրա: